Җәмгыять, Фән һәм мәгариф

Яшел Үзәндә "Кышкы каникуллар" профилактик чарасы башланды

25-30 декабрьгә кадәр "Бала – төп пассажир!" профилактик акциясе кысасында автомобильләрдә балаларын креслосыз йөртүче машина йөртүчеләр тикшереләчәк.
26.12 08:03

(Яшел Үзән, 26 декабрь, «Татар-информ», «Яшел Үзән», Әлфия Зыякаева). Яшел Үзән Дәүләт автоинспекциясе агымдагы елның 25 декабреннән 2018 елның 7 гыйнварына кадәр юл хәрәкәте кагыйдәләрен бозучыларны ачыклау буенча эшен көчәйтәчәк.

25еннән 30 декабрьгә кадәр "Бала – төп пассажир!" профилактик акциясе кысасында автомобильләрдә балаларын креслосыз йөртүче машина йөртүчеләр күзәтү астына алыначак, дип яза җирле басма.

- 2017 елның 11 аенда Яшел Үзән территориясендә балалар катнашында 14 ДТП чыгып, 14 бала тән җәрәхәтләре алды, - дип сөйли Яшел Үзән ЮХИДИ бүлеге җитәкчесе Рамил Идиятуллин. - Узган елның шул чоры белән чагыштырганда ДТПлар саны - 4кә, имгәнүчеләр 3 балага артты.

Җәяүле балалар катнашында 7 юл-транспорт вакыйгасы булып, шуларның 6сы балаларның саксызлыгы нәтиҗәсендә чыкты. Төп сәбәбе – балаларның кинәт юлга килеп чыгуы. Велосипедчылар катнашында 1 ДТП теркәлде.

Кышкы каникул чорында балаларга аеруча игътибарлы булырга кирәк. Аларны юлларда йөрергә өйрәтергә, юл кагыйдәләрен аңлатырга кирәк. Юлдан чыкканда мобиль телефоннан файдаланырга ярамавын да аңлату зарур. Киемнәргә уткайтарткыч элементлар тагып йөрүгә дә бу вакытта зур игътибар биреләчәк.

Бу чорда ЮХИДИ хезмәткәрләре балалар учреждениеләрендә профилактик әңгәмәләр дә уздыра. Укучылар тарафыннан юл йөрү кагыйдәләре бозу очраклары булганда бу мәгълүмат мәктәпләргә хәбәр ителәчәк.

КӨН ҮЗӘГЕНДӘ

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

В.Шәйхразиев чираттан тыш съездда үзен кабат сайлаган делегатларга мөрәҗәгать белән чыкты

Бүген Васил Шәйхразиев кабат Милли Шура рәисе итеп сайланды.

Р.Миңнеханов Дөнья чемпионатын үткәрүдә теләктәшлек өчен В.Путинга рәхмәт әйтте

Татарстан Президенты Россия башлыгына республикада Чемпионат матчларын оештыру йомгаклары турында сөйләде.