Икътисад, Фән һәм мәгариф

Азнакай районы бюджетының 988 миллионы мәгариф өлкәсенә юнәлдереләчәк

Азнакай район һәм шәһәр Советларының чираттагы утырышы узды.
26.12 01:00

 (Азнакай, 26 декабрь, "Татар-информ",  “Маяк”). Азнакай районы бюджетының 988 миллионы мәгариф өлкәсенә юнәлдереләчәк. Азнакай район һәм шәһәр Советларының чираттагы утырышы узды. Аны район һәм шәһәр Советлары рәисе, муниципаль район башлыгы Марсель Шәйдуллин алып барды, дип яза җирле басма.

Утырышта 2018 елга һәм 2019-2020 еллардагы план чорына район һәм шәһә рбюджетлары тикшерелеп, икенче укылышта кабул ителде.

Районның финанс-бюджет палатасы рәисе Людмила Гурьянованың чыгышыннан күренгәнчә, район бюджетының саллы өлеше – 988 миллион 611 мең сумы мәгариф өлкәсенә юнәлдерелгән. Киләчәктә бу сумманы 1 миллиард сумга кадәр җиткерү күздә тотыла. Шәһәр бюджетының иң күп өлеше – 57 миллион 131 мең сумы – торак-коммуналь хуҗалыгы мәсьәләләрен хәл итүгә тотылачак.

Утырышта шулай ук сәнәгать мәйданчыкларын максималь рәвештә файдалану мәсьәләсе дә каралды. Эшмәкәрләрне җәлеп итү, шул исәптән җирлектә яңа эш урыннары булдыру максатында, сәнәгать мәйданчыкларында кече яки урта эшмәкәрлек беләншөгыльләнүчеләр биш елга җир өчен аренда түләвеннән азат ителәчәкләр.

Депутатлар көн тәртибендәге башка мәсьәләләрне дә тикшереп, тиешле карарлар кабул иттеләр.

КӨН ҮЗӘГЕНДӘ

Ф.Мөхәммәтшин: Милли телләр югалмавына ышаныч тудырган карар табарбыз, дип уйлыйм

«Татарстанда рус теле татар теленә каршы куелырга тиеш түгел»,- диде Дәүләт Советы рәисе.

“Ватаным Татарстан” газетасы редакторы журналистикада ир-атлар булырга тиеш, дип саный

“Хатын-кызларны яратам, хөрмәт итәм, ләкин бит хатын-кызлар ир-аттан түбән булырга тиешләр”, – ди Миңназыйм Сәфәров.

“Әлиф” спектакле Азербайҗанга театр фестиваленә бара

Спектакльне халыкара фестивальгә җибәрү турында Татарстан Мәдәният министрлыгының карары чыккан.

Татар теле һәм әдәбиятынан VI халыкара олимпиада җиңүчеләре билгеле

Бәйге нәтиҗәләре буенча Гран-при ияләре булып Финляндиядән Ильяс Кадер һәм Казаннан Альмира Хәкимуллина танылды.

"Татар-информ" "Мин татарча сөйләшәм" акциясен онлайн күрсәтәчәк

Акция 26 апрель көнне Казанның Бауман урамында 16.00 сәгатьтә башлана.