Рәсми Татарстан

Рөстәм Миңнеханов алдынгы идарәчеләргә Хәйриячеләр китабын тапшырды

Казанда "Ел җитәкчесе-2017" республика иҗтимагый конкурсы лауреатларын бүләкләү тантанасы узды.
26.12 07:52

(Казан, 26 декабрь, “Татар-информ”). Казанда кичә “Ел җитәкчесе-2017” республика иҗтимагый конкурсы лауреатларын бүләкләү тантанасы узды. Чарада Татарстан Республикасы Президенты Рөстәм Миңнеханов, Татарстан Республикасы Премьер-министры Алексей Песошин һәм башка рәсми затлар да катнашты, дип хәбәр итә Президентның матбугат хезмәте.

“Бездә күркәм гадәт бар: Яңа ел алдыннан үткән елга йомгак ясау, алдынгы хезмәт коллективларын билгеләү һәм аларның җитәкчеләрен бүләкләү, – диде Рөстәм Миңнеханов. – Узып баручы 2017 ел гади генә булмады, шуңа да карамастан, республикада җыелма төбәк продукты күләме үткән елның шушы чорына карата якынча 3 процентка артты, сәнәгать продукциясе буенча – 2, авыл хуҗалыгы продукциясе буенча 5 проценттантан артык. Бу – безнең коллективларның, җитәкчеләрнең, әлбәттә инде, федераль бюджетның, шулай ук республика һәм муниципаль бюджетларның күп өлешен булдыручы салым түләүчеләрнең тырыш хезмәте нәтиҗәсе”.

Рөстәм Миңнеханов чарада Татарстан Республикасы дәүләт бүләкләрен – “Дуслык” ордены, “Татарстан Республикасы алдындагы казанышлары өчен” ордены медале, “Фидакарь хезмәт өчен” медальләрен тапшырды.

Президент кулыннан алдынгы идарәчеләр Хәйриячеләр китабының сигезенче томын һәм Татарстан Республикасы Тарих һәм мәдәният һәйкәлләрен торгызу республика фондының рәхмәт хатларын да алды.

КӨН ҮЗӘГЕНДӘ

Өлешләп торак төзү буенча контроль көчәйтелә – прокурор

Рөстәм Миңнеханов бу мәсьәләне контрольдә тотарга кушты.

Прокурор бюджет акчасына кул сузучыларның штраф, кисәтү белән генә котыла алмаячагын әйтте

Илдус Нәфыйков бюджет акчасының кая сарыф ителүе катгый тикшереләчәк, дип белдерде.

19 гыйнварның төп вакыйгалары - фото һәм сылтамалар

Балалар бакчасына түләү тәртибе үзгәрә, Ш.Мәрҗанигә багышланган конференциягә әзерлек бара, Тукай премиясенә кандидатлар тәкъдим ителә башлады.

Мәрҗани мирасы чит илләрдә бүген дә дәреслек буларак файдаланыла

Галимнең “Назурат әл-хак” китабы бүгенге көндә Төркиядә, Пакыстанда һәм Бәйрутта басыла һәм бар җиһанга таратыла, ди Татарстан мөфтие К.Сәмигуллин.

Татарстан прокуроры Мәдәният министрлыгына шелтә белдерде

“Сатып алулар буенча закон бозуларга юл куелган һәр очракка карата чарасын күрүне таләп итәм”, - диде Илдус Нәфыйков.