Рәсми Татарстан

Рөстәм Миңнеханов Советлар Союзы Герое Борис Кузнецовка машина ачкычы тапшырды

Дәүләт бүләкләренә 52 кеше лаек булды.
26.12 15:41

(Казан, 26 декабрь, "Татар-информ", Арсений Маврин). Татарстан Президенты Рөстәм Миңнеханов Казан Кремлендә федераль һәм республика дәүләт бүләкләрен тапшырды. Әлеге бүләккә 52 кеше лаек булды.

Рөстәм Миңнеханов кулыннан беренче бүләкне Советлар Союзы Герое Борис Кузнецов алды. “Бу безнең герой. Бүләкләре күп аның. Ул — Советлар Союзы Герое. Тантана Борис Кирилловичның туган көне белән туры килде. Сез мине хупларсыз дип уйлыйм, һәм без аңа шушы автомобильне бүләк итик”, — дип мөрәҗәгать итте Татарстан Президенты Кузнецовка машина ачкычын тапшырып.

Россия Президенты указы нигезендә Дуслык орденына “Эфир” җәмгыяте директорлар советы рәисе Андрей Григорьев һәм Татарстан Фәннәр академиясе президенты Мәгъзүм Сәлахов лаек булды.

“Ватан алдындагы казанышлары өчен” ордены медаленә 4 кеше лаек булды. 11 кеше Россиянең атказанган хезмәткәрләре сафына басты, 3 кешегә Россия Президенты Рәхмәте тапшырылды.

“Татарстан Республикасы алдындагы казанышлары өчен” ордены медале белән 7 кеше, шул исәптән В. И. Качалов исемендәге Казан академия зур рус драма театры директоры Александр Славутский бүләкләнде. Тагын 4 кеше Татарстанның “Фидакарь хезмәт өчен” медаленә лаек булды.
 

КӨН ҮЗӘГЕНДӘ

Казанда яшәүчеләр Ленин бакчасына Керчьта һәлак булганнар истәлегенә чәчәкләр алып килә

Керчь политехника көллиятендә теракт аркасында 19 кеше үлгән һәм тагын 52 кеше яраланган.

Р.Миңнехановка Deutsche Invest Capital Partners туры инвестицияләр фондын тәкъдим иттеләр

Республика Президенты Татарстан Хөкүмәте йортында Goetzpartners компаниясе һәм туры инвестицияләр фондының гамәлгә куючысы Штефан Гетце белән очрашты.

Ленин бакчасында Керчьта теракт корбаннарына мемориал барлыкка килде

Казан кешеләре бакча үзәгендәге фонтан янына чәчәкләр һәм шәмнәр алып килә.

17 октябрьнең төп вакыйгалары - фото һәм сылтамалар

"Интертат" сайтына аңлатмалы, этимологик сүзлекләр урнаштырылды, Керчьта һәлак булганнар истәлегенә Ленин бакчасына чәчәкләр алып килделәр.

Әлфия Йосыпова татар теле дөньяда үз позициясен югалтмый дип белдерде

Милли мәдәният һәм мәгариф югары мәктәбе директоры әйтүенчә, Төркиянең 20ләп уку йортында татар теле фән буларак өйрәнелә.