Фән һәм мәгариф

Туган телләр буенча республика олимпиадасында 13 укучы җиңүче булды

Олимпиада чуваш, удмурт, мари, мордва телләре буенча үтте.
26.12 17:31

(Казан, 26 декабрь, "Татар-информ"). Татарстанда туган тел һәм әдәбияты буенча республика олимпиадасы төгәлләнде. Республика олимпиадасында Татарстанның 13 мәктәп укучысы җиңүче булды. Бу хакта Татарстан Мәгариф һәм фән министрлыгы вәкиле җиткерде.

Мордва теле буенча Бөгелмә һәм Тәтештән ике, мари теле буенча Балтач һәм Минзәлә районнарыннан өч укучы җиңүче булды.

Олимпиадада удмурт теленнән иң яхшы белемне Кукмара һәм Балтач районнарыннан өч укучы күрсәтте. Чуваш теле буенча иң яхшы биш укучы Түбән Кама, Чүпрәле һәм Буа районнарыннан булды.

Моннан тыш Татарстанның 26 укучысы туган телләр буенча республика олимпиадасы призерлары булып танылды.

Олимпиаданың йомгаклау этабы “Дуслык” сәламәтләндерү-мәгариф үзәгендә 23нән 25 декабрьгә кадәр узды. Олимпиадага барлыгы муниципаль бәйгеләрдә җиңгән һәм призер булган 9-11 сыйныфлардагы 103 укучы чакырулы иде.

Туган тел укытучылары өчен олимпиада һәм семинарлар 24 декабрьдә Марий Эл, Мордовия, Чувашия, Удмуртия югары уку йортлары вәкилләре катнашында үтте. Ябылу тантанасы 25 декабрьдә булды. Жюрида дүрт республика галиме һәм әйдәп баручы укытучылары бар иде.
 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.