Авыл

Арча районында яңа яшелчә саклагыч һәм ике терлекчелек фермасы барлыкка килде

Авыл хуҗалыгы объектлары грант акчасына төзелгән.
26.12 20:45

(Казан, 26 декабрь, "Татар-информ"). Татарстанда Арча районында яңа яшелчә саклагыч һәм ике терлекчелек фермасы файдалануга тапшырылды, дип хәбәр иттеләр Татарстан авыл хуҗалыгы һәм азык-төлек министрлыгы матбугат хезмәтеннән.

400 тонна сыйдырышлы яшелчә саклагыч Иске Айван авылында урнашкан. Ул Илсөя Гатауллина крестьян-фермер хуҗалыгына карый.

“Без “Татарстанда 2015 – 2017 елларда эш башлаучы фермерларга ярдәм” программасы буенча 1,5 млн грант алдык. Быел 500 тонна кәбестә, 80 тонна бәрәңге һәм 30 тонна чөгендер үстердек. Яшелчәләрне эшкәртү буенча шөгыльләнергә уйлыйбыз”, - диде фермер.

Ашабаш авылында грант акчасына 30 баш сыерга ферма төзелгән. “Кәримов И.Ф.” крестьян-фремер хуҗалыгы башлыгы Илдус Кәримов тә шул ук программа буенча 1,5 млн сум акча алган булган. Ул сыерларын 50 башка җиткермәкче һәм савым сыерлар өчен ферма төзергә ниятли.

Түбән Пошалым авылындагы 50 баш сыерга ферма “Татарстанда 2012 – 2015 елларда крестьян-фремер хуҗалыгы базасында гаилә фермалары төзү” программасы буенча алынган грант акчасына салынган. Әлеге объект Илназ Фатыйхов крестьян-фремер хуҗалыгына карый.

 

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.