Сәясәт

Путин Үзәк сайлау комиссиясенә Президент сайлауларына документларын тапшырган

Путинның сайлауларда үз-үзен тәкъдим итүен сайлаучыларның 668 кешелек инициатив төркеме хуплаган.
27.12 15:12

(Казан, 27 декабрь, "Татар-информ"). Дәүләтнең гамәлдәге башлыгы Владимир Путин Үзәк сайлау комиссиясенә шәхсән үзе Россия Президенты сайлауларына кандидатлыкка документларын тапшырган. Бу хакта РИА ”Новости” хәбәр итә.

Путин сайлауларга үз-үзен күрсәтүче кандидат булып бара. Кичә аны сайлаучыларның 668 кешелек инициатив төркеме хуплаган. Алар арасында сәясәт, җәмәгать һәм мәдәни эшчәнлек затлары бар.

Аерым алганда, хәзерге Россия лидерының сайлауларда үз-үзен күрсәтүен атом су асты көймәсе командиры Сергей Новохатский, табибә Софья Войтко, фехтованияче Софья Великая, Кече театрның сәнгать җитәкчесе Юрий Соломин, пианист Денис Мацуев һәм “Җиңү волонтерлары” оешмасы җитәкчесе Ольга Амельченкова хуплап чыккан.

Үз-үзен күрсәтүче кандидататларга теркәлү өчен сайлаучыларның кимендә 300 мең имзасын җыю кирәк. Шул ук вакытта бер төбәктән 7,5 мең имзадан артык җыю рөхсәт ителми.

КӨН ҮЗӘГЕНДӘ

Казанда яшәүчеләр Ленин бакчасына Керчьта һәлак булганнар истәлегенә чәчәкләр алып килә

Керчь политехника көллиятендә теракт аркасында 19 кеше үлгән һәм тагын 52 кеше яраланган.

Р.Миңнехановка Deutsche Invest Capital Partners туры инвестицияләр фондын тәкъдим иттеләр

Республика Президенты Татарстан Хөкүмәте йортында Goetzpartners компаниясе һәм туры инвестицияләр фондының гамәлгә куючысы Штефан Гетце белән очрашты.

Ленин бакчасында Керчьта теракт корбаннарына мемориал барлыкка килде

Казан кешеләре бакча үзәгендәге фонтан янына чәчәкләр һәм шәмнәр алып килә.

17 октябрьнең төп вакыйгалары - фото һәм сылтамалар

"Интертат" сайтына аңлатмалы, этимологик сүзлекләр урнаштырылды, Керчьта һәлак булганнар истәлегенә Ленин бакчасына чәчәкләр алып килделәр.

Әлфия Йосыпова татар теле дөньяда үз позициясен югалтмый дип белдерде

Милли мәдәният һәм мәгариф югары мәктәбе директоры әйтүенчә, Төркиянең 20ләп уку йортында татар теле фән буларак өйрәнелә.