Икътисад, Рәсми Татарстан

Алексей Песошин: Без чит ил инвесторлары белән партнерлык мөнәсәбәтләрен саклап калдык

Премьер-министр Татарстан Республикасы Инвестицион үсеш агентлыгы коллегиясе утырышында төп макроикътисади күрсәткечләргә тукталды.
27.12 17:32

(Казан, 27 декабрь, “Татар-информ”, Гөлнар Гарифуллина). 2017 елда Татарстанда төп капиталга инвестицияләр 677 млрд сумны тәшкил итә. Бу былтыргы күрсәткечтән 35 млрд сумга күбрәк дип бәяләнә. Бу хакта бүген Татарстан Республикасы Инвестицион үсеш агентлыгы коллегиясе утырышында Татарстан Премьер-министры Алексей Песошин белдерде.

Хөкүмәт башлыгы чыгышында төп макроикътисади күрсәткечләр буенча республиканың традицион рәвештә лидер төбәкләр исемлегенә керүен билгеләп узды. Тулай төбәк продукты күләме буенча Татарстанның Россия Федерациясе субъектлары арасында алтынчы урында, авыл хуҗалыгы буенча өченче, төп капиталга инвестицияләр күләме буенча дүртенче, сәнәгать производствосы һәм торак кертү буенча бишенче, төзелеш буенча алтынчы, берәмләп сәүдә итү әйләнеше буенча сигезенче урында булуын әйтте.

Алексей Песошин әйтүенчә, Татарстанда тышкы сәүдә әйләнеше 16 млрд 700 миллион АКШ доллары тәшкил итә. 2017 елда бу күрсәткеч 1,4 мәртәбә арткан. 2017 ел нәтиҗәләре буенча, тулай төбәк продукты 2 трлн сумнан артыр дип фаразлана. Бу былтыргы күрсәткеч белән чагыштырганда, 103 процентка тәңгәл. Сәнәгать производствосы индексы 102,2 процент булыр дип көтелә. Авыл хуҗалыгында уңай динамика 105 процент тирәсендә бәяләнә.

Статистика буенча, агымдагы елның 9 ае эчендә чит ил инвестицияләре күләме 317 млрд доллар тәшкил иткән. “Инвестицияләр активлыгында бик үк әйбәт чагылыш тапмаган агымдагы геосәяси вазгыятькә карамастан, без чит ил инвесторлары белән партнерлык мөнәсәбәтләрен саклап калдык”, - дип белдерде Алексей Песошин.

Премьер-министр инвестицияләр җәлеп итүгә социаль-икътисади үсеше алдан билгеләнгән территорияләрне (ТОСЭР) булдыру йогынтысы зур булуын билгеләп үтте. 2017 елда барлыгы 21 компания “Яр Чаллы” ТОСЭРның резидент статусын алган. Алар тарафыннан барлыгы 24,6 млрд сум күләмендә инвестиция кертелгән.
 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.