Рәсми Татарстан

Татарстан Президенты Мирза Мәхмүтов исемендәге Дәүләт премиясен гамәлгә куйды

Ел саен 5 октябрьдә 100 әр мең сум күләмендә ике премия биреләчәк.
27.12 18:27

(Казан, 27 декабрь, «Татар-информ»). Татарстан Президенты Мирза Мәхмүтов исемендәге ТР Дәүләт премиясен гамәлгә куйды. Бу хактагы боерык республика башлыгы рәсми сайтында дөнья күргән.

Ел саен 5 октябрьдә 100 әр мең сум күләмендә ике премия биреләчәк.

Премия педагогларның фәнни һәм фәнни-методик эшчәнлеген стимуллаштыру һәм Россиянең танылган педагогы һәм көнчыгыш телләрен өйрәнүче, ТР Фәннәр академиясе һәм россия мәгариф академиясе академигы, РФ атказанган фән эшлеклесе Мирза Мәхмүтовның истәлеген мәңгеләштерү өчен билгеләнә.

Комитет премиягә тәкъдим итүгә нигезләнеп, Татарстан Президенты тарафыннан бирелә. Премиягә дәгъва белдерү өчен 1 июльгә кадәр документлар тапшыру зарур.

Премиягә лаек булган затларга “М.И.Мәхмүтов исемендәге Татарстан Республикасы Дәүләт премиясе лауреаты” исеменә лаек булучыларга акчалата бүләк, диплом, һәм мактау билгесе тапшырыла.

Татарстан Президенты ТР Министрлар Кабинетына на 2018 елдан башлап республика бюджетыннан премияне гамәлгә кую указын чынга ашыру белән бәйле чыгымнарга акча бүлеп бирүне тәэмин итүне йөкләде.

 

КӨН ҮЗӘГЕНДӘ

Илшат Әминов закон проекты авторларының туган телләргә хөкем чыгарганын әйтте

"Дәшми калу мөмкин булмаган, дәшмәү теләктәшлек итү, килешүгә тәңгәл очраклар була", - диде депутат.

Ф.Мөхәммәтшин: Милли телләр югалмавына ышаныч тудырган карар табарбыз, дип уйлыйм

«Татарстанда рус теле татар теленә каршы куелырга тиеш түгел»,- диде Дәүләт Советы рәисе.

“Ватаным Татарстан” газетасы редакторы журналистикада ир-атлар булырга тиеш, дип саный

“Хатын-кызларны яратам, хөрмәт итәм, ләкин бит хатын-кызлар ир-аттан түбән булырга тиешләр”, – ди Миңназыйм Сәфәров.

“Әлиф” спектакле Азербайҗанга театр фестиваленә бара

Спектакльне халыкара фестивальгә җибәрү турында Татарстан Мәдәният министрлыгының карары чыккан.

Татар теле һәм әдәбиятынан VI халыкара олимпиада җиңүчеләре билгеле

Бәйге нәтиҗәләре буенча Гран-при ияләре булып Финляндиядән Ильяс Кадер һәм Казаннан Альмира Хәкимуллина танылды.