Җәмгыять, Авыл

Авыл хуҗалыгы кооперативлары эшен өйрәнү өчен, татарстанлылар Липецк өлкәсенә барачак

Татарстаннан делегациянең ел башында баруы көтелә.
28.12 16:24

(Казан, 28 декабрь, “Татар-информ”, Гөлнар Гарифуллина). Киләсе ел башында авыл хуҗалыгы кооперативлары тәҗрибәсен өйрәнү өчен, татарстанлыларның Липецк өлкәсенә баруы ниятләнә. Бу хакта бүген Татарстан Республикасы Дәүләт Советы Рәисе Фәрит Мөхәммәтшин республика массакүләм мәгълүмат чаралары җитәкчеләре белән очрашуда хәбәр итте.

“Липецк өлкәсендә шундый хәрәкәт бар. Анда 100 дән артык кооператив. Бездә бит элек бер кооператор иде, хәзер сөт җыя - кооператив, кишер җыя - кооператив, тавык-казын үстерә - кооператив. Хәзер авыл саен бәләкәй генә кооператив, ләкин ул ышанычлы кооператив. Ел башында, март ае булырмы, бер төркем җитәкчеләрне Липецкига шушы мәсьәләне өйрәнергә җибәрәбез. Бу - кызык әйбер, кирәк әйбер”, - дип, Фәрит Мөхәммәтшин авыл хуҗалыгы кулланучылар кооперациясе тәҗрибәсе өйрәнеләчәген әйтте.

Парламент рәисе Липецкига барачак төркемгә шушы эш белән шөгыльләнүчеләр, шушы теманы яктыртучылар кертеләчәген белдерде.

 

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Энгель Фәттахов Бөтендөнья татар конгрессының Милли Шурасы составыннан чыгарылды

Бөтендөнья татар конгрессының чираттан тыш съездында Э.Фәттахов урынына Мәгариф һәм фән министры Рафис Борһанов сайладылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.