Татар дөньясы

Чувашстанның Озын Куак авылының шәхси газетасы бар

Ул – айга бер тапкыр чыга һәм авыл халкына бушлай таратыла.
28.12 20:11

(Чувашстан, Батыр, 28 декабрь, “Татар-информ”, Чулпан Шакирова). Чувашстанның Батыр районы Озын Куак авылында “Авылым таңнары” дигән шәхси газета чыга. Анда авыл хәбәрләре урын ала.

“Барысы да шушы газетада, шуңа күрә гайбәткә урын калмый”, - ди газетаның учредителе Рәшит Сәнҗәпов.

Газетаның тиражы – 300 данә. Искәртеп үтик, Озын Куак авылында 1000 кеше яши, 300 йорт бар. Димәк, авыл газетасы һәр йортка килә дигән сүз.

Әйтик, “Авылым таңнары”ның Яңа ел санында бәйрәмгә багышланган шигырьләр, 80 яшьлек юбилеен каршылаган Зәйтүнә Садретдинова язмышын яктырткан язма, урта мәктәпнең ремонтына бәя һәм фотолар, Чувашстанда игълан ителгән “Ата-ана елы” йомгаклары, белдерүләр урын алган.


“Авылым хәбәрләре” газетасын оештыручы Рәшит Сәнҗәпов Татарстанда нәшер ителә торган басмалар белән дә тыгыз бәйләнештә. Ул авылдашларына Бөтендөнья татар конгрессының “Халкым минем” газетасына подписка бүләк итте. Яңа елдан Озын Куакка 100 данә федераль басма киләчәк.
 

КӨН ҮЗӘГЕНДӘ

Казанда яшәүчеләр Ленин бакчасына Керчьта һәлак булганнар истәлегенә чәчәкләр алып килә

Керчь политехника көллиятендә теракт аркасында 19 кеше үлгән һәм тагын 52 кеше яраланган.

Р.Миңнехановка Deutsche Invest Capital Partners туры инвестицияләр фондын тәкъдим иттеләр

Республика Президенты Татарстан Хөкүмәте йортында Goetzpartners компаниясе һәм туры инвестицияләр фондының гамәлгә куючысы Штефан Гетце белән очрашты.

Ленин бакчасында Керчьта теракт корбаннарына мемориал барлыкка килде

Казан кешеләре бакча үзәгендәге фонтан янына чәчәкләр һәм шәмнәр алып килә.

17 октябрьнең төп вакыйгалары - фото һәм сылтамалар

"Интертат" сайтына аңлатмалы, этимологик сүзлекләр урнаштырылды, Керчьта һәлак булганнар истәлегенә Ленин бакчасына чәчәкләр алып килделәр.

Әлфия Йосыпова татар теле дөньяда үз позициясен югалтмый дип белдерде

Милли мәдәният һәм мәгариф югары мәктәбе директоры әйтүенчә, Төркиянең 20ләп уку йортында татар теле фән буларак өйрәнелә.