Татар дөньясы

Латвия татарлары татар һәм латыш әкиятләре китабы чыгарган

Китапка кергән һәр әкиятне ике телдә укырга мөмкин.
29.12 11:46

(Казан, «Татар-информ», 29 декабрь, Ләйсән Файзуллина). Латвиянең «Идел» татар җәмгыяте татар һәм латыш халык әкиятләреннән торган җыентык бастырган. Китапка 7 татар, 7 латыш әкияте кергән. Бу хакта «Татар-информ» мәгълүмат агентлыгына «Идел» җәмгыятенең җитәкчесе Ринат Ахунов хәбәр итте.

“Әкиятләр китабы ике милләтне: татар һәм латышларны бер-берсе белән таныштыру өчен чыгарылды. Ул сатуга куелмаячак, татарлар белән кызыксынучыларга, кунакларга бүләк итеп биреләчәк. Аңа кергән әкиятләр көлкеле дә, гыйбрәтле дә, алар яхшылыкка өйрәтә”, - диде Ринат Ахунов.

Җыентыкны Ләйсән Билалова төзегән. Татар халык әкиятләреннән китапка «Сандугач», «Кәҗә белән сарык», «Кем нәрсә ярата?», «Васыять», «Өч кыз туган», «Кемгә читенрәк?», «Яратмасаң тыңлама, ялганларга комачаулама» сайлап алынган. Латыш халык әкиятләрен пенсиядәге латыш теле укытучысы, китапның тәрҗемәчесе Александра Андреева барлаган. Җыентык Фәймә Турлай җитәкчелегендә төзелгән.

Татар-латыш әкиятләре китабы – 32 битле, юка тышлы, битләре төсле татар бизәкләре һәм иллюстрацияләр белән бизәлгән. Тиражы – 200 данә. Җыентык Рига думасы Мәдәният һәм спорт департаменты финанс ярдәме белән бастырылган.

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Энгель Фәттахов Бөтендөнья татар конгрессының Милли Шурасы составыннан чыгарылды

Бөтендөнья татар конгрессының чираттан тыш съездында Э.Фәттахов урынына Мәгариф һәм фән министры Рафис Борһановны сайладылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.