Сәясәт, Җәмгыять

Алкоголь продукциясен законсыз җитештергән өчен җинаять җаваплылыгы кертелә

Илдар Гыйльметдинов әйтүенчә, төбәкләрдән алкоголь базары белән бәйле тәкъдимнәр күп килгән.
29.12 13:37

(Казан, 29 декабрь, “Татар-информ”, Гөлнар Гарифуллина). Алкоголь продукциясен законсыз җитештергән өчен җинаять җаваплылыгы кертелә. Бу хакта бүген “Татар-информ” мәгълүмат агентлыгында көзге сессиядә Россия Дәүләт Думасының закон чыгару эшчәнлеге нәтиҗәләренә багышланган матбугат конференциясендә РФ Федераль Җыены Дәүләт Думасының Милләтләр эше буенча комитеты рәисе Илдар Гыйльметдинов хәбәр итте.

Аның әйтүенчә, төбәкләрдән алкоголь базары белән бәйле тәкъдимнәр күп килгән. “Бу өлкәдә хокук бозуларга карата шикаятьләр һаман күп. Әлегә кадәр алкоголь продукциясен легаль булмаган рәвештә җитештерү бар. Без аны тәртипкә китерергә телибез. Шуңа күрә безнең тарафтан закон проекты әзерләнде. Алкоголь продукциясен законсыз җитештерү өчен административ кына түгел, җинаять җаваплылыгын да кертергә булдык. Җинаять кодексына шундый төзәтмәләр кертелә. Административ кодекста да штрафлар күпкә арттырылган. Физик затларга да, юридик затларга карата да. Безнең бу тәртипсезлек белән көрәшер чарабыз башка калмады”, - дип белдерде Илдар Гыйльметдинов.

 

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.