Татар дөньясы

Бүген Казанда татарча аралашу клублары үз утырышын уздыра

Оештыручылар балаларга татар телен өйрәнергә кызыклы ысул тәкъдим итәчәк.
29.12 16:37

(Казан, 29 декабрь, “Татар-информ”, Алмаз Шиһабетдинов). Бүген 18:00 сәгатьтә Муса Җәлил урамы 19 йортта "Чәйлик", "Татарча самовар" һәм "Фәрит Галимов остаханәсе" берләшеп, татарча аралашу кичәсе уздыра. Бу хакта “Татар-информ” хәбәрчесенә кичәне оештыручыларының берсе рәссам Фәрит Галимов хәбәр итте.

“Бүген без килгән кунакларыбызга сәхнәләштерелгән өзек тәкъдим итәчәкбез. Кешеләргә рольләр бүлеп бирелә һәм аны уйнап карыйбыз. Монда әти-әниләр, өлкән кешеләр катнашыр дип көтелә. Аларга битлекләр, төрле хайван киемнәре дә биреләчәк. Без балаларга татар телен өйрәнергә кызыклы ысул тәкъдим итәбез”, - диде ул.

Әлеге кичәне “Чәйлик”, “Татарча самовар” һәм “Фәрит Галимов остаханәсе” клублары берләшеп уздыра. Берләшеп, аралашу клублары финанс ягын җайга салган, программаларын баеткан һәм кеше санын арттырган. Әлеге клублар “Фәрит Галимов остаханәсе”ндә һәр җомга көннәрендә очраша. Бирегә кызыклы шәхесләр чакырыла, татарча җырлар җырланыла, сәхнәләштерелгән өзекләр куела, татар милләтенең бүгенге көн актуаль проблемаларына фикер алышына.
 

КӨН ҮЗӘГЕНДӘ

Казанда имамнарның белемнәрен күтәрү курслары ачылды

Курсларда иң беренче булып КФУның ислам һәм көнчыгышны өйрәнү кафедрасы җитәкчесе, тарих фәннәре докторы Айдар Хәбетдинов лекция укыды.

Рөстәм Миңнеханов Дмитрий Медведев белән очрашачак

Бүген Татарстан Президенты Рөстәм Миңнеханов Мәскәүдә эшлекле сәфәрдә.

Казахстанда Сабан туе көне билгеле булды

Милли бәйрәмне үткәрүдә ярдәм күрсәтү Актаныш муниципаль районына йөкләнгән.

Сәламәтлек саклау министрлыгында Тукай соңгы көннәрен үткәргән мемориаль бүлмә эшли

Казанда Сәламәтлек саклау министрлыгы бинасында шагыйрьнең мини-музеен оештырганнар.

Мөфти Илдар Мөхәммәдшин Эстониядә Беренче мәхәлләне татарлар оештырганын әйтте

Эстониянең Ислам җәмгыяте Республиканың йөз еллыгы һәм Беренче мөселман мәхәлләсе теркәлүнең туксан еллыгына багышланган халыкара конференция уздыра.