Рәсми Татарстан

Рөстәм Миңнеханов Diamond Developers компаниясе җитәкчелеген «Казансаммит-2018»гә чакырды

Рөстәм Миңнеханов Дубайда «Дубайның тотрыклы шәһәре» территориясен карады.
29.12 17:07

(Казан, 29 декабрь, “Татар-информ”). Бүген Татарстан Республикасы Президенты Рөстәм Миңнеханов «Дубайның тотрыклы шәһәре» (The Sustainable City) территориясен карады. Бу хакта Президентның матбугат хезмәте хәбәр итә.

«Дубайның тотрыклы шәһәре»ндә булганда территория җитәкчелеге вәкилләре Рөстәм Миңнехановка проект һәм аның үзенчәлекләре турында сөйләде.

Бу проектны Diamond Developers компаниясе гамәлгә ашыра. Быел май аенда Казанда Рөстәм Миңнеханов Diamond Developers компаниясе генераль директоры Фәрис Сәид белән очрашкан иде.

Diamond Developers компаниясе 2013 елда «Тотрыклы шәһәр» проектын эшләтеп җибәргән.

«Тотрыклы шәһәр» – Дубайда икътисади, экологик һәм социаль яктан үсеш алган территория проекты. Ул әйләнә-тирә мохиткә йогынтыны исәпкә алып проектланган; анда энергияне, суны һәм туклану продуктларын куллануны минимальләштерергә омтылучы кешеләр яши.

Рөстәм Миңнеханов билгеләп үткәнчә, Diamond Developers компаниясе перспектив тармакта эшли. Аның фикеренчә, гамәлгә ашырылучы проект бик кызыклы һәм актуаль.

Рөстәм Миңнеханов Diamond Developers компаниясе җитәкчелеге вәкилләрен «Казансаммит-2018»дә катнашырга чакырды.

КӨН ҮЗӘГЕНДӘ

Казанда яшәүчеләр Ленин бакчасына Керчьта һәлак булганнар истәлегенә чәчәкләр алып килә

Керчь политехника көллиятендә теракт аркасында 19 кеше үлгән һәм тагын 52 кеше яраланган.

Р.Миңнехановка Deutsche Invest Capital Partners туры инвестицияләр фондын тәкъдим иттеләр

Республика Президенты Татарстан Хөкүмәте йортында Goetzpartners компаниясе һәм туры инвестицияләр фондының гамәлгә куючысы Штефан Гетце белән очрашты.

Ленин бакчасында Керчьта теракт корбаннарына мемориал барлыкка килде

Казан кешеләре бакча үзәгендәге фонтан янына чәчәкләр һәм шәмнәр алып килә.

17 октябрьнең төп вакыйгалары - фото һәм сылтамалар

"Интертат" сайтына аңлатмалы, этимологик сүзлекләр урнаштырылды, Керчьта һәлак булганнар истәлегенә Ленин бакчасына чәчәкләр алып килделәр.

Әлфия Йосыпова татар теле дөньяда үз позициясен югалтмый дип белдерде

Милли мәдәният һәм мәгариф югары мәктәбе директоры әйтүенчә, Төркиянең 20ләп уку йортында татар теле фән буларак өйрәнелә.