Татар дөньясы

Мәскәү татарлары милли проектларга булыша торган фонд оештырырга тәкъдим итә

Танылган язучы Шамил Идиатуллин яшьләргә татар мохите тудырырга кирәклеген әйткән.
29.12 18:32

(Казан, 29 декабрь, “Татар-информ”, Алмаз Шиһабетдинов). Мәскәү шәһәренең “Татар штабы”нда “Уртак фикер” проекты кысаларында узган “түгәрәк өстәл” утырышында татар телен саклау ысуллары һәм формалары турында фикер алышканнар. Бу хакта “Татар-информ” хәбәрчесенә “Татар Штабы” матбугат хезмәте хәбәр итте.

“Түгәрәк өстәл”дә журналистлар, язучылар, сәясәт белгечләре, Мәскәүдәге татар мохтариятенең актив вәкилләре һәм студентлар катнашкан. Кичәнең төп спикерлары – сәясәт белгече Илшат Сәетов, танылган шагыйрь Шамил Идиатуллин, “Звезда Поволжья” газетасының баш мөхәррире Рәшит Әхмәтов, язучы Рауль Мир-Хәйдәров, Мәскәүнең татар мәктәбе директоры Роза Хәбибуллина, Чиләбе өлкәсе татарлары газетасы мөхәррире Равил Хөснетдинов, Ногай милли-мәдәни автономиясенең федераль Югары Советы рәисе Казмөхәмәт Янбулатов.

“Түгәрәк өстәл” Мәскәү шәһәренең яшьләрендә кызыксыну уяткан. “Татар Штабы” лидеры Рөстәм Ямалиев билгеләгәнчә, телне татарлар үзләре генә саклап кала алачак, бигрәк тә яшьләр. Моның өчен татар телен заманча идеяләр һәм проектлар ярдәмендә яшьләр өчен кызыклы итәргә кирәк.

“Түгәрәк өстәл” барышында сәясәт белгече Илшат Сәетов татар проектлары һәм идеяләренә ярдәм фонды оештырырга тәкъдим иткән. Шулай ук Илшат Сәетов милли тормышта актив эш алып барырга өндәгән. Аның фикеренчә, яшьләр актив булганда гына телне, мәдәниятне саклап калып булачак.

Танылган язучы Шамил Идиатуллин яшләргә татар мохите тудырырга кирәклеген әйткән, ә Мәскәү шагыйре Раул Мир-Хәйдәров татар газета журналларына язылырга өндәгән.

Мәскәүдә “Татар Штабы” проектының 20 еллык тарихы бар, ул татар мәдәниятен хөрмәт иткән 1,5 меңләп кешене берләштерә, биредә татар яшьләре таныша. Көнүзәк мәсьәләләр буенча фикер алышу, очрашулар Таганка урамындагы фатирда оештырылып тора.
 

КӨН ҮЗӘГЕНДӘ

Татарстан прокуроры Мәдәният министрлыгына шелтә белдерде

“Сатып алулар буенча закон бозуларга юл куелган һәр очракка карата чарасын күрүне таләп итәм”, - диде Илдус Нәфыйков.

Рөстәм Миңнеханов бизнеска басымның прокуратура җитешсезлеге дә булуын билгеләп узды

Президент намуслы бизнес нигезсез тикшерүләрдән якланган булырга тиеш, дип белдерде.

Казанда “Россиянең иң яхшы 100 товары” җиңүчеләрен бүләкләделәр

“Бу – РФ субъектлары арасында иң яхшы нәтиҗә”, – диде Татарстанның премьер-министр урынбасары.

Прокурор мәдәният хезмәткәрләренә тел өлкәсендәге вазгыятьне куертмаска кушты

Илдус Нәфыйков экстремизм юнәлешендә эш алып баручылар җавапка тартылачак, дип кисәтте.

Көнкүрештә гадәттән тыш хәл туганда, халыкта хафалану булдырмау буенча эш кирәк - прокурор

Илдус Нәфыйков социаль-икътисади рискны фаразлау буенча бердәм ведомствоара үзәк кирәклеген билгеләп узды.