Икътисад

2018 елда милеккә салымны 1 октябрьгә кадәр түләү гамәлгә кертелә

Үзгәреш кертүне муниципаль хакимият органнары җитәкчеләре сораган.
29.12 18:14

(Казан, 29 декабрь, "Татар-информ", Гөлнар Гарифуллина). 2018 елда физик затларның милкенә салымны 1 октябрьгә кадәр түләү гамәлгә кертелергә тиеш. Бу хакта бүген Татар-информ” мәгълүмат агентлыгында Россия Дәүләт Думасының көзге сессиядә канун чыгару эшчәнлеге нәтиҗәләренә багышланган матбугат конференциясендә РФ Федераль Җыены Дәүләт Думасының Милләтләр эше буенча комитеты рәисе Илдар Гыйльметдинов белдерде.

Искәртеп үтик, хәзерге вакытта гражданнар салымны 1 декабрьгә кадәр түләргә тиеш. Дәүләт Думасында салымны 1 октябрьгә кадәр җыеп бетерүгә кагылышлы канун әзерләнә. Депутат әйтүенчә, үзгәреш кертүне, ягъни яңадан 1 октябрьгә кадәр булган срокка кайтуны муниципаль хакимият органнары җитәкчеләре сораган.

"Яңа елга кадәр вакыт аз кала, муниципаллар салымны бюджетка кертеп калырга җитешми. Ул вакытта контракт, конкурслар һәм башкалар. Без аларны бик авыр хәлгә куябыз. Шуңа күрә салымны 1 октябрьгә кадәр түләү турында канун проекты керттем. Инициатива хупланды, шул исәптән Хөкүмәт тарафыннан да", – дип белдерде Илдар Гыйльметдинов.

 

Аның сүзләренә караганда, салым түләү срокларын күчерү турында канун 2018 елның җәендә кабул ителергә тиеш.

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.