Татар дөньясы

«Әлбәттә» проекты авторлары татарча сөйләшергә өйрәтә торган видео чыгарды

Ролик шәһәр татарларына атап төшерелгән.
29.12 18:54

(Казан, «Татар-информ», 29 декабрь, Ләйсән Файзуллина). «Әлбәттә» проекты татар теленә багышланган «Тыпыр-тыпыр грамматика» сериясенең яңа чыгарылышын тәкъдим итте. Әлеге чыгарылыш татарча сөйләшкәндә җөмләләрне дөрес төзергә, теркәгеч, ярдәмче фигыльләр һәм кисәкчәләрне урынлы кулланырга өйрәтә. Ролик «Әлбәттә» проектының социаль челтәрләрдәге сәхифәләренә урнаштырылган.

«Мин шәһәр татар телендә сөйләшәм. Бу видеоны беренче чиратта үз сөйләмемне камилләштерү өчен эшләдем. Шулай ук ул башка шәһәр татарларына да файдалы булыр дип уйладым», – дип хәбәр итте ролик авторы, «Әлбәттә» проектының җитәкчесе Илдар Әюпов.

Видеода саналган сөйләм телен табигый итү ысулларын Илдар Әюпов, аның тормыш иптәше – татар теле укытучысы Айгөл Әюпова туплаган. Роликның мөхәррире – КФУдан татар теле укытучысы Эльвира Динмөхәммәтова, дикторы – Роберт Исламов.

«Безнең видеолар татарларга да, русларга да ошый. Фикерләрен белдерүчеләр күп: социаль челтәрләр аша да, шәхси хәбәр итеп тә язалар. «Татар телен яхшыртырга булышты», – дип рәхмәт әйтүчеләр дә бар», – диде Илдар Әюпов.

«Тыпыр-тыпыр грамматика» рубрикасының яңа сериясен чыгару уртача 70 мең сумга төшкән. Видео авторы сүзләренчә, чыгарылышларны дәвам итү акчага һәм кызыклы идеяләргә бәйле.

Сөйләм теленә багышланган видео – «Тыпыр-тыпыр грамматика» рубрикасының дүртенче сериясе. Моңарчы фонетика, агглютинация, сингармонизмга багышланган видеолар чыккан иде.

КӨН ҮЗӘГЕНДӘ

Казанда яшәүчеләр Ленин бакчасына Керчьта һәлак булганнар истәлегенә чәчәкләр алып килә

Керчь политехника көллиятендә теракт аркасында 19 кеше үлгән һәм тагын 52 кеше яраланган.

Р.Миңнехановка Deutsche Invest Capital Partners туры инвестицияләр фондын тәкъдим иттеләр

Республика Президенты Татарстан Хөкүмәте йортында Goetzpartners компаниясе һәм туры инвестицияләр фондының гамәлгә куючысы Штефан Гетце белән очрашты.

Ленин бакчасында Керчьта теракт корбаннарына мемориал барлыкка килде

Казан кешеләре бакча үзәгендәге фонтан янына чәчәкләр һәм шәмнәр алып килә.

17 октябрьнең төп вакыйгалары - фото һәм сылтамалар

"Интертат" сайтына аңлатмалы, этимологик сүзлекләр урнаштырылды, Керчьта һәлак булганнар истәлегенә Ленин бакчасына чәчәкләр алып килделәр.

Әлфия Йосыпова татар теле дөньяда үз позициясен югалтмый дип белдерде

Милли мәдәният һәм мәгариф югары мәктәбе директоры әйтүенчә, Төркиянең 20ләп уку йортында татар теле фән буларак өйрәнелә.