Авыл

Татарстанның җир, бөртекле культуралар базарын җайга салу Яңа елдан соң гамәлгә ашырылачак

Бу хакта ТР фермерлар һәм крестьян хуҗалыклары ассоциациясе рәисе Камияр Байтемиров хәбәр итте.
31.12 11:49

(Казан, 31 декабрь, "Татар-информ"). Татарстанда җир һәм бөртекле культуралар базарын җайга салу буенча ТР Премьер-министр урынбасары-республика авыл хуҗалыгы министры Марат Әхмәтов белән сөйләшүләр булган. Бу хакта "Татар-информ" мәгълүмат агентлыгына биргән әңгәмәдә Татарстан Республикасының фермерлар һәм крестьян хуҗалыклары ассоциациясе рәисе Камияр Байтемиров хәбәр итте.

"Ел уңышлы булды, дияргә мөмкин. Яз-җәй көннәрендә яңгырлар яугач, уңыш булмас, дип кайгырган идек, әмма яхшы уңыш җыеп алдык. Шуңа да карамастан, нәтиҗә әле юк, үзегез дә беләсездер, бөртекле культура базары туктап калды дияргә була, - диде ул. - Безнең авыл хуҗалыгы министры Марат Әхмәтов белән җир, бөртеклеләр базарын бераз булса да эшләтеп җибәрү буенча сөйләшүләр узды. Ул нинди рәвешле эшләячәк, бу хакта Марат Готовичның да, безнең дә тәкъдимнәр бар. Без бу эшләргә Яңа елдан соң ук керешәчәкбез".

Крестьяннар һәрвакыт дәүләткә терәк булды, авыр вакытларда үз җилкәләрен куйды, дип саный Камияр Байтемиров. Шулай да базар мөнәсәбәтләре белән бәйле барлык проблемаларны бер җилкәгә генә салып булмый, ди ул.

"Базар мөнәсәбәтләре барлык инфраструктура үсешен күздә тота, бу - кече фермер хуҗалыклары гына түгел, ә гомумән агросәнәгать комплексында, фермерларга, крестьян хуҗалыкларына, авыл хуҗалыгы товарлары җитештерүчеләргә, агрохолдингларга бертөрле мөнәсәбәт булырга тиеш", - диде ассоциация җитәкчесе.
 

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.