Сәясәт

Инициатива төркеме Дагыстан мөфтие хатынын Россия президентына кандидатлыкка тәкъдим иткән

Айна Гамзатова - журналист, язучы, җәмәгать һәм дин эшлеклесе.
31.12 10:21

(Казан, 31 декабрь, ”Татар-информ”). Махачкала шәһәренең 542 кеше кергән инициатива төркеме шимбә көнне Россия президентына кандидат итеп Дагыстан мөфтиенең 46 яшьлек хатынын, "Ислам" журналы баш мөхәррире Айна Гамзатованы тәкъдим иткән. Бу хакта ТАССка Гамзатованың матбугат сәрктибе Гуризада Камалова хәбәр иткән.

Инициатива төркеменә, аерым алганда, табиблар, спортчылар, илнең фәнни һәм мәдәни эшлеклеләре кергән.

"Үзәк сайлау комиссиясенә теркәлү өчен тиешле барлык документлар 5 гыйнварда озатылачак”, - дип өстәгән агентлык әңгәмәдәше.

Айна Гамзатова - журналист, язучы, җәмәгать һәм дин эшлеклесе. Ул 1971 елның 1 октябрендә Махачкала шәһәрендә туган. Ике югары белем алган – филология һәм юридик белем. Гамзатова эре медиахолдинг төзегән һәм аны җитәкли, аның составында дөньяви матбугат чаралары кебек үк, диниләре дә бар. Ул - "Путь" хәйрия фонды җитәкчесенең берсе һәм "Ислам" журналы баш мөхәррире, шулай ук Дагыстан мөфтиенең хөкүмәт һәм матбугат органнары белән элемтәдә киңәшчесе.

Партияләрдән кандидатларны тәкъдим итү - 12 гыйнварда, үз-үзләрен тәкъдим итү 7 гыйнварда төгәлләнә. Россия президентын сайлаулар 18 мартта узачак.

 

КӨН ҮЗӘГЕНДӘ

"Татар-информ"да "Ку" татар рок-спектакле турында сөйләшәчәкләр

Матбугат конференциясенә аккредитация pr@tatar-inform.tatar почтасы аркылы башкарыла.

КФУда төрки халыклар сәнгате күргәзмәсе тәкъдим ителде

Халыкара фәнни-гамәли конференциягә дөньяның төрле илләреннән галимнәр, югары уку йортлары мөгаллимнәре, укытучы-методистлар, аспирантлар килде.

Милли Шура рәисе Васил Шәйхразиев Туган тел көне белән котлады

Милли Шура рәисе татар халкының “Туган телне кадерләгән халык кадерле булыр” дигән әйтемен искә төшерә.

Рөстәм Миңнеханов туган телне саклау иң борчый торган мәсьәлә дип белдерде

Татарстан Президенты милләтне саклау юнәлешендә бердәм булу кирәклеген әйтте.

Светлана Захарова кайбер мәктәпләрдә туган телне теләсәң дә өйрәнеп булмаганлыгын әйтте

Депутат туган телләрне ирекле өйрәнү турында закон проектының хафа тудыруын билгеләп узды.