Татар дөньясы

Мәскәү өлкәсе Татар милли үзәге китапханәләргә татар китаплары бүләк итә башлады

Татар милли-мәдәни чаралары вакытында мәктәпләргә һәм китапханәләргә татар китаплары тапшырылачак.
01.01 12:24

(Казан, 1 гыйнвар, "Татар-информ"). Мәскәү өлкәсенең Татар милли үзәге өлкә китапханәләрен татарча һәм татарлар турында китаплар белән тәэмин итү белән шөгыльләнә башлады. Татар мәдәни үзәгеннән хәбәр итүләренчә, бу хакта күптән түгел оешма советы утырышында хәл ителгән.

Татар милли үзәге рәисе Фуад Солтанов фикеренчә, совет чорында кебек, хәзер дә китапханәләрдә төрле халыкларның әдәбиятын тәкъдим иткән китап киштәләре булырга тиеш. Чөнки, мәсәлән, татарлар һәм Татарстан турында, татар телендә, татар авторларының китаплары Россия төбәкләрендәге китапханәләрдә бик аз.

“Китапханәгә китап бүләк ит” проекты кысаларында, Татар милли үзәге төрле милли-мәдәни чаралар вакытында мәктәп һәм шәһәр китапханәләренә китаплар бүләк итәчәк. Шул рәвешле, декабрь аенда гына Люберцы шәһәрендәге 16нчы гимназиягә китаплар тапшырылган.
 

КӨН ҮЗӘГЕНДӘ

"Татар-информ"да "Ку" татар рок-спектакле турында сөйләшәчәкләр

Матбугат конференциясенә аккредитация pr@tatar-inform.tatar почтасы аркылы башкарыла.

КФУда төрки халыклар сәнгате күргәзмәсе тәкъдим ителде

Халыкара фәнни-гамәли конференциягә дөньяның төрле илләреннән галимнәр, югары уку йортлары мөгаллимнәре, укытучы-методистлар, аспирантлар килде.

Милли Шура рәисе Васил Шәйхразиев Туган тел көне белән котлады

Милли Шура рәисе татар халкының “Туган телне кадерләгән халык кадерле булыр” дигән әйтемен искә төшерә.

Рөстәм Миңнеханов туган телне саклау иң борчый торган мәсьәлә дип белдерде

Татарстан Президенты милләтне саклау юнәлешендә бердәм булу кирәклеген әйтте.

Светлана Захарова кайбер мәктәпләрдә туган телне теләсәң дә өйрәнеп булмаганлыгын әйтте

Депутат туган телләрне ирекле өйрәнү турында закон проектының хафа тудыруын билгеләп узды.