Дин

Арчаның Көнбатыш мәчете үз газетасын чыгара

Декабрь ахырында аның икенче саны дөнья күргән.
02.01 10:01

(Казан, 2 гыйнвар, "Татар-информ", Чулпан Шакирова) Арчаның Көнбатыш мәчете мөхтәсибәте "Нурлы Арча" исемле газета чыгара. Декабрь азагында аның икенче саны дөнья күргән. Бу хакта "Татар-информ" хәбәрчесенә Арчаның Көнбатыш мәчете имамы Равил хәзрәт Ибраһимов хәбәр итте.

"Бу газета - шәхсән үземнең идея, күптән чыгарасым килеп йөри иде, - диде хәзрәт.- Урта Курса авылында эшләгәндә электрон вариантын әзерләп бетергән идем, әмма кайбер сәбәпләр аркасында чыгара алмадык. Инде Арчага күчкәч, бу идеяне тормышка ашырдык. Декабрь аенда кулга беренче гәҗитебезне төшердек. Инде ай ахырына икенчесе дә әзер булды.

Равил хәзрәт Ибраһимов сүзләренчә, "Нурлы Арча" газетасы 8 битле булып, 999 тираж белән, иганәчеләр ярдәмендә чыга.

Газетада Арча мөхтәсибәте яңалыклары, дини сканворд, ТР Диния нәзарете сайты яңалыклары, Арча җирлеге өчен намаз вакытлары бирелә.

Равил хәзрәт Ибраһимов Казанда бер ел имам булып торган. Арча районының Урта Курса авылында ике ел имамлык иткән. Арчада инде бу вазыйфада өч елын эшләгән.
Газетаның редколлегия әгъзалары - мөхтәсиб, мәчет әһелләре. "Нурлы Арча" арчалыларга бушлай таратыла. 

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.