Дин

Казанның «Гаилә» мәчетендә кышкы балалар лагеры эшли башлый

Яңа ел каникуллары чорында 40 бала ислам нигезләрен һәм йолаларын үзләштерәчәк.
02.01 10:54

(Казан, 2 гыйнвар, «Татар-информ», Алия Җамалиева). Бүген Казанның «Гаилә» мәчетендә кышкы балалар лагеры эшли башлый. Бу хакта «Татар-информ» агентлыгына мәчеттән хәбәр иттеләр.

Яңа ел каникуллары чорында 40 бала ислам нигезләрен һәм йолаларын үзләштерәчәк, шулай ук алар өчен Коръәнне өйрәнү дәресләре оештырылачак. «Сәләт» яшьләр үзәге вәкилләре мәктәп укучылары өчен мастер-класслар үткәрәчәк.

«Без балалар белән эшләүгә җитди игътибар бирәбез. Мөселман кешесе көндәшлеккә сәләтле, дөньяга карашы киң булырга тиеш. Шунлыктан аларга белем һәм тәрбия бирүнең әһәмияте зур», - дип искәртте «Гаилә» мәчетенең имам-хатыйбы Рөстәм хәзрәт Хәйруллин.

Ул мөселман балалар лагерьларының мәчетләрдә җәйге, көзге һәм язгы каникулларда оештырылуын билгеләп үтте.

Кышкы лагерь 5 гыйнварга кадәр дәвам итәчәк.
 

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Энгель Фәттахов Бөтендөнья татар конгрессының Милли Шурасы составыннан чыгарылды

Бөтендөнья татар конгрессының чираттан тыш съездында Э.Фәттахов урынына Мәгариф һәм фән министры Рафис Борһановны сайладылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.