Сәясәт

Үзәк сайлау комиссиясендә Президент булырга теләүчеләрнең күп булу сәбәпләрен атадылар

РФ Президентын сайлаулар 2018 елның 18 мартында узачак.
02.01 14:36

(Казан, 2 гыйнвар, «Татар-информ»). Үзәк сайлау комиссиясендә соңгы елларда беренче тапкыр Президент булырга теләүчеләрнең бик күп булуын билгеләп үтәләр. Үзәк сайлау комиссиясе әгъзасы Евгений Шевченко РИА Новости агентлыгына биргән интервьюсында шул хакта белдерде.

Ул моңа кадәр билгеләп үткәнчә, Үзәк сайлау комиссиясе декабрь ахырына РФ Президенты вазифасына кандидатлар күрсәтү белән бәйле чаралар үткәрү буенча 60ка якын белдерү кәгазе (шуларның 21е – партияләрдән) алган.

«Бу, мөгаен, имзаларны азрак санда тәкъдим итү мөмкинлеге белән бәйледер. Икенчедән, узган сайлаулар белән чагыштырганда партияләр саны артты һәм күпләр Президент сайлауларында катнашырга теләк белдерде», - диде Шевченко.

РФ Президентын сайлаулар 2018 елның 18 мартында узачак. Президент вазифасына кандидат булып теркәлү өчен үзен-үзе тәкъдим итүчеләргә 300 меңнән дә ким булмаган имза җыярга кирәк. Шул ук вакытта бер төбәккә 7,5 мең имза (шуннан да артык түгел) туры килергә тиеш. Парламентныкы булмаган партияләрдән кандидат итеп күрсәтелүчеләрнең исә 100 мең имза җыюы, бер төбәккә 2,5 мең имза туры килүе шарт. Парламент партияләреннән тәкъдим ителгән кандидатлар болардан азат.
 

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.