Татар дөньясы

1917 елда Петербургта нәшер ителгән татар газетының беренче саны табылган

Уфаның Милли китапханәсе фондларында яткан "Әл-Мөнбәр" газетының мөхәррире – Муса Бигиев.
03.01 14:28

(Казан, 3 гыйнвар, “Татар-информ”, Мөршидә Кыямова). 1917 елда Петербургта басылган мөселман газетының беренче саны Вәлиди исемендәге Милли китапханәнең фондларыннан табылган. Бу хакта “Башинформ” мәгълүмат агентлыгы хәбәр итә.

2017 елның 24 декабрендә “Әл-Мөнбәр” газетының нәшер ителә башлавына 100 ел тулды.

2015 елда, ягъни 98 ел узгач, Санкт-Петербург һәм Ленинград өлкәсе мөхтәсибәте тарафыннан яңадан чыгарыла башлаган “Әл-Мөнбәр” газетының беренче саны тәкъдим ителгән. Узган ел исә, декабрь санында бу басманың иң әүвәлге саны турында мәкалә һәм фото бирелгән иде, дип яза “Башинформ”.

Белешмә: “Әл-Мөнбәр” газеты – 1917 елда Петроградта (Санкт-Петербург) чыккан татар милли-дини газетасы. Ул ислам дөньясы һәм бигрәк тә, Төркия турында күп язган.

Беренче саны 1917 елның 24 декабрендә, “Әманәт” ширкәте типографиясендә басыла. Аның барлык саннары да шул ширкәт матбагасында нәшер ителә. Газет атнага бер тапкыр, 4 битле булып чыга. Һәр санында диярлек бик озын һәм имзасыз язылган өч-дүрт сәяси мәкалә урнаштырылган була.

Газетның гомере кыска була, ул 1918 ел башында ябыла. Нашире – “Әманәт” ширкәте мөхәррире Муса Бигиев, актив язышучылары исә – Кәрим Сәгыйд һәм Әхмәт Таҗетдин.

КӨН ҮЗӘГЕНДӘ

Казанда яшәүчеләр Ленин бакчасына Керчьта һәлак булганнар истәлегенә чәчәкләр алып килә

Керчь политехника көллиятендә теракт аркасында 19 кеше үлгән һәм тагын 52 кеше яраланган.

Р.Миңнехановка Deutsche Invest Capital Partners туры инвестицияләр фондын тәкъдим иттеләр

Республика Президенты Татарстан Хөкүмәте йортында Goetzpartners компаниясе һәм туры инвестицияләр фондының гамәлгә куючысы Штефан Гетце белән очрашты.

Ленин бакчасында Керчьта теракт корбаннарына мемориал барлыкка килде

Казан кешеләре бакча үзәгендәге фонтан янына чәчәкләр һәм шәмнәр алып килә.

17 октябрьнең төп вакыйгалары - фото һәм сылтамалар

"Интертат" сайтына аңлатмалы, этимологик сүзлекләр урнаштырылды, Керчьта һәлак булганнар истәлегенә Ленин бакчасына чәчәкләр алып килделәр.

Әлфия Йосыпова татар теле дөньяда үз позициясен югалтмый дип белдерде

Милли мәдәният һәм мәгариф югары мәктәбе директоры әйтүенчә, Төркиянең 20ләп уку йортында татар теле фән буларак өйрәнелә.