Дин

Гаилә мәчетендә кышкы лагерь ачылды

Анда мәктәп укучыларына хифз, әдәп-әхлак дәресләре бирәләр.
03.01 17:33

(Казан, 3 гыйнвар, “Татар-информ”, Мөршидә Кыямова). Казанның “Гаилә” мәчетендә 2018 елның беренче проекты старт алды. Биредә кичә – 2 гыйнварда мәктәп укучылары өчен кышкы лагерь эшли башлады. Бу хакта “Татар-информ” мәгълүмат агентлыгы хәбәрчесенә “Гаилә” мәчетенең имам-хатыйбы Рөстәм хәзрәт Хәйруллин хәбәр итте.

“2018 милади елының беренче чарасын башладык та, – ди Рөстәм хәзрәт Хәйруллин. – Мәктәпләрдә каникул башланды, безгә дини гыйлем тупларга килер өчен бу менә дигән мөмкинлек. Биредә балаларга хифз, әдәп-әхлак дәресләре укытабыз, ә “Сәләт” яшьләр үзәгеннән килгәннәр төрле кызыклы мастер-класслар оештыра".

Аның сүзләренчә, мәчеттә ел әйләнсендә төрле чаралар уза. "Гаилә" мәчете булгач, бездә гаилә кыйммәтләренә, мөселман кешенең гаиләдәге роле турында еш сөйләшүләр уздырабыз”, – диде ул.
 

КӨН ҮЗӘГЕНДӘ

Илшат Әминов закон проекты авторларының туган телләргә хөкем чыгарганын әйтте

"Дәшми калу мөмкин булмаган, дәшмәү теләктәшлек итү, килешүгә тәңгәл очраклар була", - диде депутат.

Ф.Мөхәммәтшин: Милли телләр югалмавына ышаныч тудырган карар табарбыз, дип уйлыйм

«Татарстанда рус теле татар теленә каршы куелырга тиеш түгел»,- диде Дәүләт Советы рәисе.

“Ватаным Татарстан” газетасы редакторы журналистикада ир-атлар булырга тиеш, дип саный

“Хатын-кызларны яратам, хөрмәт итәм, ләкин бит хатын-кызлар ир-аттан түбән булырга тиешләр”, – ди Миңназыйм Сәфәров.

“Әлиф” спектакле Азербайҗанга театр фестиваленә бара

Спектакльне халыкара фестивальгә җибәрү турында Татарстан Мәдәният министрлыгының карары чыккан.

Татар теле һәм әдәбиятынан VI халыкара олимпиада җиңүчеләре билгеле

Бәйге нәтиҗәләре буенча Гран-при ияләре булып Финляндиядән Ильяс Кадер һәм Казаннан Альмира Хәкимуллина танылды.