Җәмгыять, Татар дөньясы

Татар Википедиясендә иң актив 10 кулланучы исәпләнә – Фәрхәт Фәтхуллин

Ай дәвамында “теркәлгән/хисап язма булдырган 70 кулланучының 10 сы актив рәвештә үзгәртүләр, төзәтмәләр кертә.
05.01 15:21

(Казан, 5 гыйнвар, “Татар-информ”, Гөлнар Гарифуллина). Татар Википедиясендә ай дәвамында берничә дистәдән берничә меңгә кадәр мәкалә язучы яки үзгәрешләр кертүче 10 лап кеше исәпләнә. Бу хакта “Татар-информ” мәгълүмат агентлыгына биргән интервьюсында Википедия волонтеры, татар телле Википедиянең китапханәчесе, тәрҗемәче Фәрхәт Фәтхуллин белдерде.

Аның сүзләренә караганда, хәзерге вакытта Татар Википедиясендә 70 меңнән артык мәкалә бар. Аны һәркем, сайтны ачып, статистика бүлегендә күрә ала, ди ул. “Соңгы ай эчендә “теркәлгән/хисап язманы булдырган” 70 кулланучы күпмедер дәрәҗәдә нәрсәдер язган. Алардан шушы ук вакыт эчендә актив рәвештә, әйтик, берничә дистәдән берничә меңгә кадәр мәкалә язучы яки үзгәрешләр кертүче 10 ны санап алдым. Ягъни, 10 актив кеше бар дигән сүз”, - дип белдерде Фәрхәт Фәтхуллин. Аның әйтүенчә, Татар Википедиясенә көненә гадәттә, ким дигәндә, 10, күп дигәндә, 200 ләп текст, яңалык, мәкалә кертелергә мөмкин.

Мәкаләләр, укулар, мөрәҗәгатьләр саны буенча рус теленнән соң икенче урында булсак та, активлык дәрәҗәсеннән караганда, бәлки, без өченче урындадыр, дип саный Фәрхәт Фәтхуллин. Сүз төзәтмәләр кертү турында бара. “Башкорт коллегаларыбыз күпкә активрак. Анда актив катнашучылар саны бездән күбрәк”, - дип ул башкортларда узган ел азагында үзгәртүләр кертүчеләр саны 100 гә якынлашканын, ә актив дәрәҗәдә 15-20 кеше эшләгәнен билгеләп узды.

Фәрхәт Фәтхуллин әйтүенчә, статистика буенча, Татар Википедиясенә көненә 20 мең тирәсе мөрәҗәгать теркәлә, ягъни шулкадәр бит ачыла, укыла. Аерым девайстан – компьютер, смартфоннан 2 мең тирәсе кеше керә. Бу - бөтен дөнья буенча уникаль кулланучылар. Әңгәмәдәш сентябрь статистикасын китерде. “Википедиянең татарча бүлеген иң күбе Америка Кушма Штатларында укыйлар – 40 процент; икенче урында Россия – 15 процент; өченче урында Германия – 11,3 процент; дүртенче урында Франция – 3,8 процент; аннан Сингапурдан - 3,7 процент; Канададан - 5, 5 процент; Кытайдан - 4,5 процент; Гонконгтан - 3,3 процент һәм башкалардан 3 процент кеше укый”, - диде ул.

 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.