Татар дөньясы

Иртәгә "Татар ата-аналары клубы" активистлары балаларга хәрәкәтле уеннар өйрәтәчәк

Очрашу 7 гыйнвар көнне 11 сәгатьтә башлана.
06.01 19:44

 (Казан, 6 гыйнвар, "Татар-информ", Алсу Исмәгыйлева). Казанда оешкан "Татар ата-аналары клубы" иртәгә, 7 гыйнвар көнне, сәгать 11 дә "Казан" гаилә үзәге янәшәсендә балалар өчен очрашу уздырып, аларга узган гасырның 30-40нчы елларында балалар уйнаган хәрәкәтле уеннарны өйрәтергә ниятли. Очрашуга һәркем килә ала, ди оештыручыларның берсе, өч бала анасы Айсылу Галиева.

Программада, уеннардан тыш, таудан чана шуу каралган. Оештыручылар катнашырга теләүчеләрне җылы киенергә, термос белән кайнар чәй алып килергә өнди. Гаилә үзәге янында автопарковка барлыгын да искәртә. 

Белешмә өчен: Мәктәпләрдә татар теле дәресләре белән бәйле четерекле вазгыять барлыкка килгәч, Казанда "Татар ата-аналары клубы" инициатив төркеме оешты. Төркемнең максаты - татар гаиләләрендә үсеп килүче балаларга татар телле мохит тудыру, аралашу даирәсен киңәйтү, үзара тәҗрибә алмашу. "Татар ата-аналары клубы" Казанда даими чаралар, балалар өчен һөнәри мастер-класслар оештыра. 

КӨН ҮЗӘГЕНДӘ

Татар иҗади яшьләре Тукай шигырен шагыйрь язган иске татар әдәби телендә укыды

Перфоманс Казанның “Московский” мәдәният үзәгендә оештырылды.

“Татмедиа” агентлыгы җитәкчесе Айрат Зарипов алдынгы журналистларны бүләкләде

Бүләкләнүчеләр арасында “Татар-информ” мәгълүмат агентлыгының 10 хезмәткәре дә бар.

"Мин татарча сөйләшәм" бәйрәменә төрле милләт кешеләре җыелды

Бирегә килгән төрле яшьтәге татар телен яратуларын, аралашу-күрешү өчен килүләрен әйтте.

26 апрельнең төп вакыйгалары - фото һәм сылтамалар

Бүген Шигърият көнендә Тукай премиясенең 2018 елгы лауреатлары бүләкләнде, Рамазан аен үткәрү тәртибе расланды, Кариев театрының яңа бинасы ачылды.

Татарстан Президенты Анкарада яңа медицина комплексын карады

Рөстәм Миңнеханов бүген Төркиядә эшлекле сәфәрдә.