Рәсми Татарстан

Рөстәм Миңнеханов православие динендәге Татарстан халкын Раштуа бәйрәме белән котлады

Татарстанда барлык традицион диннәргә бертигез дәрәҗәдә хөрмәт бар, бу – иҗтимагый татулык һәм республикабызда алгарышлы үсешнең төп нигезе.
07.01 09:24

(Казан, 7 гыйнвар, "Татар-информ"). Татарстан Президенты Рөстәм Миңнеханов православие динендәге Татарстан халкын Раштуа бәйрәме белән котлады.

«Православие динендәге хөрмәтле ватандашлар! Сезне чын йөрәктән Раштуа бәйрәме уңаеннан тәбрик итәм!

Ике мең еллар элек булган олы вакыйга – Христосның тууы – кешелек тарихында яңа эрага башлангыч бирде. Христианнарның күңеленә иман нуры, мәхәббәт өсти һәм матур киләчәккә ышаныч тудыра торган бу бәйрәмдә һәркем үзен могҗизалы хәлләр шаһитыдай хис итә. Ягымлы Вифлеем йолдызы кебек үк, Раштуа да рухи яңарыш һәм яшәешнең бөек серләрен ачу юлында якты маяк булып тора.

Христосның тууын гаилә һәм балалар бәйрәме буларак билгеләп үтү гадәткә кергән, шуңа да ул төрле милләт вәкилләренә, төрле дин тотучыларга якын һәм аңлаешлы. Библиядә Иисусның дөньяга килүе турында бәян ителгән сәхифәләрдә кешеләргә әхлакый юлкүрсәткеч булып торучы рухи хәзинәләр – ананың сабыен эчкерсез сөюе, ир белән хатынның бер-берсенә тугрылыгы, гаделлек һәм шәфкатьлелек идеаллары чагылыш таба.

Татарстанлылар барлык традицион диннәргә бертигез дәрәҗәдә хөрмәт белән карыйлар, бу исә иҗтимагый татулыкның һәм республикабызда алгарышлы үсешнең төп нигезе булып тора. Шунысы сөенечле: христианнарның һәм мөселманнарның күп кенә зур бәйрәмнәрен, шул исәптән Раштуаны да, без дуслык һәм үзара аңлашу рухында уздырабыз.

Татарстанда яшәүче православие динен тотучылар өчен 2017 ел күренекле вакыйгаларга бай булды. Татарстан Республикасы православие җәмәгатьчелегенең өченче форумы узды, Богородица монастыренең дөньякүләм мәшһүр Казан Мәрьям Ана иконасы соборын, иске йола кафедра соборын торгызу эшләре башкарыла.

Раштуа тантаналары дин тотучы һәркемнең камилләшүгә һәм игелекле гамәлләргә омтылышына тагын да көчлерәк этәргеч бирер дип ышанам.

Сезгә һәм якыннарыгызга чын йөрәктән нык сәламәтлек, иминлек, бәхет, илгә-көнгә тынычлык телим!", – диелә Президентның котлавында.

КӨН ҮЗӘГЕНДӘ

20 июльнең төп вакыйгалары - фото һәм сылтамалар

В.Путин пенсия яшен арттыруны ошатмый, Р.Миңнеханов Х.Биктиевны “Дуслык” ордены белән бүләкләде, В.Шәйхразиев кабат Милли Шура рәисе итеп сайланды.

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

Энгель Фәттахов Бөтендөнья татар конгрессының Милли Шурасы составыннан чыгарылды

Бөтендөнья татар конгрессының чираттан тыш съездында Э.Фәттахов урынына Мәгариф һәм фән министры Рафис Борһановны сайладылар.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.