Икътисад

Хөкүмәт юл кырыйларында учак ягарга рөхсәт итми

Документ Министрлар кабинеты сайтында басылган.
08.01 12:00

(Казан, 8 гыйнвар, “Татар-информ”). Хөкүмәт янгынга каршы куркынычсызлык кагыйдәләренә үзгәрешләрне дача һәм авыл кишәрлекләре хуҗалары өчен керткән. Документ Министрлар кабинеты сайтында басылган. Бу хакта “Российская газета” җиткерә.

Торак пунктлар янәшәсендә булган бакчачылык ширкәтләрендә, дачаларда хуҗаларына коры үлән яндыру тыела. Шулай ук автомобиль һәм тимер юл кырыйларында, азык-төлек озату юлларында учак ягарга рөхсәт ителми. Хуҗалары үз полосаларын чистартып торырга бурычлы. Моннан тыш, авыл хуҗалыгы җирләре хуҗалары җирләрне чүп үләннәреннән чистартып торырга һәм печәнне вакытында чабып алырга тиеш диелә документта.
 

КӨН ҮЗӘГЕНДӘ

Өлешләп торак төзү буенча контроль көчәйтелә – прокурор

Рөстәм Миңнеханов бу мәсьәләне контрольдә тотарга кушты.

Прокурор бюджет акчасына кул сузучыларның штраф, кисәтү белән генә котыла алмаячагын әйтте

Илдус Нәфыйков бюджет акчасының кая сарыф ителүе катгый тикшереләчәк, дип белдерде.

19 гыйнварның төп вакыйгалары - фото һәм сылтамалар

Балалар бакчасына түләү тәртибе үзгәрә, Ш.Мәрҗанигә багышланган конференциягә әзерлек бара, Тукай премиясенә кандидатлар тәкъдим ителә башлады.

Мәрҗани мирасы чит илләрдә бүген дә дәреслек буларак файдаланыла

Галимнең “Назурат әл-хак” китабы бүгенге көндә Төркиядә, Пакыстанда һәм Бәйрутта басыла һәм бар җиһанга таратыла, ди Татарстан мөфтие К.Сәмигуллин.

Татарстан прокуроры Мәдәният министрлыгына шелтә белдерде

“Сатып алулар буенча закон бозуларга юл куелган һәр очракка карата чарасын күрүне таләп итәм”, - диде Илдус Нәфыйков.