Сәясәт

Үзәк сайлау комиссиясе үз-үзен кандидат итеп күрсәтүчеләрдән документ алуны төгәлләде

Сәяси партияләр тәкъдим итүче кандидатлардан документлар кабул итү 12 гыйнварның төн уртасына кадәр дәвам итә.
08.01 12:48

(Казан, 8 гыйнвар, “Татар-информ”). Россия Президентын сайлауларда үз-үзләрен кандидат итеп күрсәтү өчен Үзәк сайлау комиссиясенә документлар кабул итү якшәмбе көнне төгәлләнде. Бу хакта “Интерфакс” Россия Үзәк сайлау комиссиясенә сылтама белән хәбәр итә.

“Россия Үзәк сайлау комиссиясенә президент кампаниясе эшли башлаган вакыттан Россия Президентын сайлауларда үзләрен кандидат итеп күрсәтү өчен гражданнардан 46 хәбәр керде. Шул ук вакытта документларын андый кандидатларның бары 15е генә тапшырды”, - диелгән Үзәк сайлау комиссиясе хәбәрендә.

Соңгы көнне Россия Үзәк сайлау комиссиясенә биш гражданнан үзләрен кандидат итеп күрсәтү өчен документлар кергән.

Сәяси партияләр тәкъдим итүче кандидатлардан документлар кабул итү 12 гыйнварның төн уртасына кадәр дәвам итәчәк.
 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.