Спорт

"Ак Барс" 2018 елда беренче тапкыр оттырды

Казан командасы конференциядә лидерлыгын югалтмады.
09.01 07:17

(Казан, 9 гыйнвар, “Татар-информ”, Фәрит Салихов). Казанның “Ак Барс” хоккейчылары КХЛның даими чемпионатында “Северсталь” командасына оттырды. Бу Казан хоккейчыларының 2018 елда беренче җиңелүе булды.

Череповецта узган әлеге матч боз хуҗалары файдасына 5:2 (2:2, 1:0, 1:0) белән төгәлләнде. “Северсталь” командасыннан алкаларны Вадим Кудако (8 нче минут), Адам Мазур (14 нче минут), Руслан Карлин (28, 59 нчы минутлар) һәм Юрий Трубачев (50 нче минут) кертте. “Ак Барс” 20 секунд аралыгы белән ике алка кертә алды: уңышка 8 нче минутта Станислав Галиев һәм Джастин Азеведо иреште.

“Икенче матч рәттән икенче периодта уңышсыз уйныйбыз. Сакта хаталар булды. Планлаштырганча уйнамадык”, – диде “Ак Барс”ның баш тренеры Зиннәтулла Билалетдинов уеннан соңгы матбугат конференциясендә.

Шунысы да игътибарга лаек: “Северсталь” үз бозында соңгы тапкыр “Ак Барс” командасын 2011 елның октябрендә откан булган.

Әлеге җиңелүдән соң да “Ак Барс” Көнчыгыш конференциядә лидерлыгын югалтмады.

Казан хоккейчылары 10 гыйнварда Ригада “Динамо” командасы белән очраша.

КӨН ҮЗӘГЕНДӘ

Татарстан прокуроры Мәдәният министрлыгына шелтә белдерде

“Сатып алулар буенча закон бозуларга юл куелган һәр очракка карата чарасын күрүне таләп итәм”, - диде Илдус Нәфыйков.

Рөстәм Миңнеханов бизнеска басымның прокуратура җитешсезлеге дә булуын билгеләп узды

Президент намуслы бизнес нигезсез тикшерүләрдән якланган булырга тиеш, дип белдерде.

Казанда “Россиянең иң яхшы 100 товары” җиңүчеләрен бүләкләделәр

“Бу – РФ субъектлары арасында иң яхшы нәтиҗә”, – диде Татарстанның премьер-министр урынбасары.

Прокурор мәдәният хезмәткәрләренә тел өлкәсендәге вазгыятьне куертмаска кушты

Илдус Нәфыйков экстремизм юнәлешендә эш алып баручылар җавапка тартылачак, дип кисәтте.

Көнкүрештә гадәттән тыш хәл туганда, халыкта хафалану булдырмау буенча эш кирәк - прокурор

Илдус Нәфыйков социаль-икътисади рискны фаразлау буенча бердәм ведомствоара үзәк кирәклеген билгеләп узды.