Икътисад

Максим Топилин куллану кәрзиненең сыйфатын яхшыртырга тәкъдим итте

Министр фикеренчә, куллану кәрзиненә ит, балык, яшелчә һәм җиләк-җимешләр өстәргә кирәк.
09.01 12:58

(Казан, 9 гыйнвар, «Татар-информ»). РФ хезмәт һәм социаль яклау министры Максим Топилин куллану кәрзиненең сыйфатын яхшыртырга, анда ит һәм балык продукциясе, яшелчә һәм җиләк-җимешләр өстәргә тәкъдим итте. Бу хакта ТАСС агентлыгы хәбәр итә.

Бүгенге кәрзиндә икмәк продуктлары һәм бәрәңге кирәгеннән артык булса, ит, балык, яшелчә һәм җиләк-җимешләр җитәрлек түгел. «Азык-төлек продуктларын оптималь җыелмага якынайту — яңа куллану кәрзиненең төп бурычы», - дип белдерде ул.

Моннан тыш, азык-төлек продуктлары өлешен (бүгенге көндә ул 50 процент тәшкил итә), шулай ук азык-төлек булмаган товарлар һәм хезмәтләр өлеше (25әр процент) нисбәтен яңадан карарга кирәк.
 

КӨН ҮЗӘГЕНДӘ

Илшат Әминов закон проекты авторларының туган телләргә хөкем чыгарганын әйтте

"Дәшми калу мөмкин булмаган, дәшмәү теләктәшлек итү, килешүгә тәңгәл очраклар була", - диде депутат.

Ф.Мөхәммәтшин: Милли телләр югалмавына ышаныч тудырган карар табарбыз, дип уйлыйм

«Татарстанда рус теле татар теленә каршы куелырга тиеш түгел»,- диде Дәүләт Советы рәисе.

“Ватаным Татарстан” газетасы редакторы журналистикада ир-атлар булырга тиеш, дип саный

“Хатын-кызларны яратам, хөрмәт итәм, ләкин бит хатын-кызлар ир-аттан түбән булырга тиешләр”, – ди Миңназыйм Сәфәров.

“Әлиф” спектакле Азербайҗанга театр фестиваленә бара

Спектакльне халыкара фестивальгә җибәрү турында Татарстан Мәдәният министрлыгының карары чыккан.

Татар теле һәм әдәбиятынан VI халыкара олимпиада җиңүчеләре билгеле

Бәйге нәтиҗәләре буенча Гран-при ияләре булып Финляндиядән Ильяс Кадер һәм Казаннан Альмира Хәкимуллина танылды.