Хәвеф-хәтәр

Минзәлә районында ике баланың гомерен өзгән янгынның сәбәпләрен атадылар

Хәзерге вакытта өч төп версия карала: электр җиһазыннан дөрес файдаланмау, ут белән саксыз эш итү һәм ут төртү.
09.01 13:31

(Казан, 9 гыйнвар, «Татар-информ», Александр Елисеев). Бүген ТР Хөкүмәте йортында узган брифингта Россия Гадәттән тыш хәлләр министрлыгының ТР буенча Баш идарәсенең күзәтчелек эшчәнлеге идарәсе башлыгы Сергей Сергеев Минзәлә районында ата кеше һәм аның ике баласының гомерен өзгән янгынның өч төп версиясен атады.

Моңа кадәр «Татар-информ» агентлыгы хәбәр иткәнчә, 6 гыйнварда Воровский исемендәге совхозда шәхси йорт яна. 122нче янгын-коткару часте хезмәткәрләре килгәндә, йорт дөрләп яна, түшәме җимерелеп төшкән була инде.

Йортның эченә үтү мөмкин булмаганлыктан, утны тәрәзәләр аша сүндерергә туры килә. Янгынны ярты сәгать эчендә сүндерәләр.

От петард и бенгальских огней за время праздников в Татарстане пострадали десять человек

Гадәттән тыш хәлләр министрлыгы хезмәткәрләре кисәүләрне аралаган вакытта өч кешенең мәетенә тап була. Аларның икесе – 5 һәм 15 яшьлек малайлар, берсе — 32 яшьлек ир-ат.

Россия Гадәттән тыш хәлләр министрлыгының ТР буенча Баш идарәсе мәгълүматларына караганда, гаилә тәртиплеләр рәтенә кергән, әтиләре эчү белән мавыкмаган, тәмәке тартмаган, Чаллыда эшләгән. Фаҗига килеп чыккан вакытта әниләре эштә булган.
Сергеев сүзләренчә, хәзерге вакытта өч төп версия карала: электр җиһазыннан дөрес файдаланмау, ут белән саксыз эш итү һәм ут төртү.

«Безнең лабораториянең нәтиҗәсе әзер түгел әле. Әлеге фаҗигане 2016 елда Иске Куак авылында булган янгын белән чагыштырып карасак, биредә кайбер аермалар бар. Анда гаилә җылылык системасыннан тулысынча өзелгән була, ә монда – имин гаилә. Анализ ясаганнан соң тиешле чаралар күреләчәк», - дип хәбәр итте Сергей Сергеев.
 

КӨН ҮЗӘГЕНДӘ

Казанда имамнарның белемнәрен күтәрү курслары ачылды

Курсларда иң беренче булып КФУның ислам һәм көнчыгышны өйрәнү кафедрасы җитәкчесе, тарих фәннәре докторы Айдар Хәбетдинов лекция укыды.

Рөстәм Миңнеханов Дмитрий Медведев белән очрашачак

Бүген Татарстан Президенты Рөстәм Миңнеханов Мәскәүдә эшлекле сәфәрдә.

Казахстанда Сабан туе көне билгеле булды

Милли бәйрәмне үткәрүдә ярдәм күрсәтү Актаныш муниципаль районына йөкләнгән.

Сәламәтлек саклау министрлыгында Тукай соңгы көннәрен үткәргән мемориаль бүлмә эшли

Казанда Сәламәтлек саклау министрлыгы бинасында шагыйрьнең мини-музеен оештырганнар.

Мөфти Илдар Мөхәммәдшин Эстониядә Беренче мәхәлләне татарлар оештырганын әйтте

Эстониянең Ислам җәмгыяте Республиканың йөз еллыгы һәм Беренче мөселман мәхәлләсе теркәлүнең туксан еллыгына багышланган халыкара конференция уздыра.