Дин

Бахрейн короле мөфти шәех Равил Гайнетдинга рәхмәт белдерде

Россия мөфтие Бахрейн корольлеген милли бәйрәмнәре белән котлаган иде.
09.01 14:57

(Казан, 9 гынвар, “Татар-информ”). Бахрейн короле мөфти шәех Равил Гайнетдинга рәхмәт белдерде. Бу хакта Россия мөселманнары Диния нәзарәтенең рәсми сайты хәбәр итә.

Россия мөфтиләр Шурасы һәм Россия Федерациясе мөселманнары Диния нәзарәте рәисе мөфти шәех Равил Гайнетдин Бахрейн корольлеген милли бәйрәмнәре һәм корольнең патшалык итә башлавына 18 ел тулган дата белән котлаган иде. Моңа җавап йөзеннән Бахрейн короле Хамад бин Иса Аль Халифадан рәхмәт телеграммасы юллаган. Телеграммада мөфти шейх Равил Гайнетдинга ихтирам белдерелгән.

“Сезнең котлавыгызны югары бәялибез. Матур теләкләрегез өчен рәхмәт. Аллаһыдан Сезгә бәхет, сәламәтлек, ә бөтен дөнья мөселманнарына дан һәм шөһрәт сорыйбыз. Иң якты теләкләр һәм олы хөрмәт белән Бахрейн короле Хамад бин Иса Аль Халифа”, - диелгән Бахрейн корольлегеннән килгән рәхмәт телеграммасында.
 

КӨН ҮЗӘГЕНДӘ

Татарстан прокуроры Мәдәният министрлыгына шелтә белдерде

“Сатып алулар буенча закон бозуларга юл куелган һәр очракка карата чарасын күрүне таләп итәм”, - диде Илдус Нәфыйков.

Рөстәм Миңнеханов бизнеска басымның прокуратура җитешсезлеге дә булуын билгеләп узды

Президент намуслы бизнес нигезсез тикшерүләрдән якланган булырга тиеш, дип белдерде.

Казанда “Россиянең иң яхшы 100 товары” җиңүчеләрен бүләкләделәр

“Бу – РФ субъектлары арасында иң яхшы нәтиҗә”, – диде Татарстанның премьер-министр урынбасары.

Прокурор мәдәният хезмәткәрләренә тел өлкәсендәге вазгыятьне куертмаска кушты

Илдус Нәфыйков экстремизм юнәлешендә эш алып баручылар җавапка тартылачак, дип кисәтте.

Көнкүрештә гадәттән тыш хәл туганда, халыкта хафалану булдырмау буенча эш кирәк - прокурор

Илдус Нәфыйков социаль-икътисади рискны фаразлау буенча бердәм ведомствоара үзәк кирәклеген билгеләп узды.