Татар дөньясы

“Татарча диктант”ның бөтен дөнья буенча гомуми нәтиҗәләре билгеле

Барлыгы 2 меңнән артык эш тикшерелгән.
09.01 15:24

(Казан, 9 гыйнвар, “Татар-информ”, Гөлнар Гарифуллина). “Татарча диктант”ның гомуми нәтиҗәләре билгеле. Аларны “Татар-информ” мәгълүмат агентлыгы хәбәрчесенә Бөтендөнья татар яшьләре форумы вәкиле Гүзәлия Гыйниятуллина җиткерде.

Искәртеп үтик, 2017 елның 25 нче ноябрендә Россиянең 20 ләп төбәге һәм 9 чит илдә "Татарча диктант" яздылар. Әлеге чараны оештыручылар: Бөтендөнья татар яшьләре форумы, Казан федераль университетының Л.Толстой исемендәге филология һәм мәдәниятара багланышлар институты, “Каюм Насыйри институты” фәнни-белем үзәге, Бөтендөнья татар конгрессы, Татарстан Республикасының Яшьләр эшләре һәм спорт министрлыгы. Диктант өчен Аяз Гыйләҗевнең "Җомга көн кич белән" әсәреннән өзек сайланган иде.

Бөтен дөнья буенча статистика түбәндәгечә:

“5ле” алучылар – 29 процент;

“4”ле гә язучылар – 27 процент;

“3”ле алучылар – 36 процент;

“2” ле – 8 процент.

Гүзәлия Гыйниятуллина барлыгы 2 меңнән артык эш тикшерелгәнен әйтте. 2016 елда татарча диктантны 700 тирәсе кеше язган.

Диктантны КФУ галимнәре тикшерде. Л.Толстой исемендәге филология һәм мәдәниятара багланышлар институтының Г. Тукай исемендәге Татаристика һәм тюркология югары мәктәбе доцентлары төбәгенә карап хаталар аерылуын билгеләп узды. Берничә көннән хаталарга анализ ясалган мәгълүмат белән тулырак материал басылачак.

 

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.