Дин

Татарстан мәчетләрендә балалар өчен рухи-сәламәтләндерү үзәкләре үз эшен төгәлләде

Атна дәвамында балалар мәчетләрдә булып, төрле программаларда катнашалар, ислам нигезләрен өйрәнәләр.
09.01 16:39

(Казан, 9 гыйнвар, “Татар-информ”, Алия Җамалиева). Татарстан мәчетләрендә балалар өчен кышкы каникул көннәрендә оештырылган рухи-сәламәтләндерү үзәкләре үз эшен төгәлләде. Бу хакта Татарстан мөселманнарының Диния нәзарәте матбугат хезмәте хәбәр итә.

Атна дәвамында балалар мәчетләрдә булып, төрле программаларда катнашалар, ислам нигезләрен өйрәнәләр.

Бөгеләмә районы үзәк мәчетендә ачылган “Сәлам” үзәгендә балалар саф һавада ЛФК дәресләрендә, ислам нигезләре һәм әхлак дәресләрендә күп нәрсәгә өйрәнгән, төрле бәйгеләрдә, викториналарда катнашкан.

Лениногорскиның “Ихлас” мәчетендә мәдәни-сәламәтләндерү чараларында мәктәп яшендәге 30лап ир бала булган. Балаларның хәтерендә тюбингта шуулары, 3D-кинотетрда булулары, конкурсларда катнашулары калган. Барлык катнашучылар истәлекле бүләкләр һәм тәм-том алган.

Казан мәчетләрендә дә балалар мөселман лагерьлары эшләде. “Гаилә” мәчетендә, мәсәлән, кырыклап укучы ислам нигезләрен өйрәнгән. “Ярдәм” мәчетендә, шулай ук балалар өчен рухи-сәламәтләндерү курслары даими оештырылып килә.
 

КӨН ҮЗӘГЕНДӘ

Илшат Әминов закон проекты авторларының туган телләргә хөкем чыгарганын әйтте

"Дәшми калу мөмкин булмаган, дәшмәү теләктәшлек итү, килешүгә тәңгәл очраклар була", - диде депутат.

Ф.Мөхәммәтшин: Милли телләр югалмавына ышаныч тудырган карар табарбыз, дип уйлыйм

«Татарстанда рус теле татар теленә каршы куелырга тиеш түгел»,- диде Дәүләт Советы рәисе.

“Ватаным Татарстан” газетасы редакторы журналистикада ир-атлар булырга тиеш, дип саный

“Хатын-кызларны яратам, хөрмәт итәм, ләкин бит хатын-кызлар ир-аттан түбән булырга тиешләр”, – ди Миңназыйм Сәфәров.

“Әлиф” спектакле Азербайҗанга театр фестиваленә бара

Спектакльне халыкара фестивальгә җибәрү турында Татарстан Мәдәният министрлыгының карары чыккан.

Татар теле һәм әдәбиятынан VI халыкара олимпиада җиңүчеләре билгеле

Бәйге нәтиҗәләре буенча Гран-при ияләре булып Финляндиядән Ильяс Кадер һәм Казаннан Альмира Хәкимуллина танылды.