Авыл

Арчада Оренбург татарларын кунак иттеләр

3 гыйнвар кичендә Арчага Оренбург өлкәсенең Татар Каргалысы һәм Алабайтал авылларыннан бер төркем татарлар килде.
09.01 18:35

(Казан, 9 гыйнвар, “Татар-информ”, Ләйлә Хәкимова). Оренбург өлкәсе татарлары Арчага килде. Бу хакта “Татар-информ” хәбәрчесенә "Арча хәбәрләре"  газетасы журналисты Рүмия Надршина хәбәр итте.

Ерактан килгән кунакларның татар иленә сәфәре Арча район башлыгы Илшат Нуриев белән очрашудан башланган.

“Кызыклы һәм эшлекле сөйләшүләрдән соң делегация вәкилләре район белән таныштылар. Алар «Казан арты» тарих-этнографик музеен, «Арча» спорт комплексын карадылар, Ташкичү мәктәбендә туган як музеенда, мәгърифәтче Шиһабетдин Мәрҗани музеенда, мәчеттә, Арчаның яңа 6нчы мәктәбендә, Боз сараенда булдылар. Яңа Кырлайда Габдулла Тукай музей комплексына сәяхәт кылдылар. Көтектә терлек асраучы Дамир Шакирҗанов, Мөндештә Хәлим Гарипов фермер-крестьян хуҗалыклары, Айванда яшелчә үстерүче Нафил Гатауллин эше белән таныштылар. Кичен район мәдәният йортында безне үзләре алып килгән спектакльне куеп сөендерделәр. Кунакларның Арчада узган сәяхәте бай эчтәлекле булды”, - ди Рүмия Надршина.

5 гыйнвар көнне Оренбург өлкәсе татарлары эш сәфәрләрен Сабада дәвам итте.

 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.