Мәдәният

Иртәгә Мәскәүдә Фуат Мансуровны искә алу концерты була

Фуат Мансуров – Россия дәүләт академия зур театрында 40 ел дирижёр булып эшләгән бердәнбер музыкант.
09.01 19:36

(Казан, 9 гыйнвар, “Татар-информ”). 10 гыйнварда Россиянең, Татарстанның, Казахстанның халык артисты Фуат Шакир улы Мансуровның 90 еллыгы уңаеннан П.И. Чайковский исемендәге Мәскәү дәүләт консерваториясенең Зур залында “Остазыма музыкаль бүләк” концерты була. Бу хакта Татарстан Республикасының Россия Федерациясендәге Даими вәкиллеге хәбәр итә.

Фуат Мансуров – Россия дәүләт академия зур театрында 40 ел дирижёр булып эшләгән бердәнбер музыкант.

Ул Казахстан Дәүләт симфоник оркестры баш дирижеры, М.Җәлил исемендәге Татар дәүләт опера һәм балет театры баш дирижеры һәм Татарстан симфоник оркестры сәнгать җитәкчесе, Мәскәү, Казан дәүләт консерваторияләре профессоры була.

"Ни өчен Сез, чит илгә күпме чакыруларына да карамыйча, Казанга киләсез?” - дигәнгә, Фуат Шакир улы: «Кан тарта… Мин - татар, мин татар мәдәниятен йөртәм”, дип җавап биргән.

Искәртеп үтик, Фуат Шакир улы Мансуров 1928 елның 10 гыйнварында Алма-Ата шәһәрендә туган. 2010 елның 12 июнендә Мәскәүдә вафат була, Троекуровск зиратында җирләнгән.
 

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.