Спорт

Мориц Бауэр "Рубин"нан "Сток Сити" командасына күчте

Казан клубының бер төркем чит ил уенчысы үзенә яңа эш урыны эзли.
09.01 19:21

(Казан, 9 гыйнвар, “Татар-информ”, Фәрит Салихов). “Рубин” командасының 25 яшьлек сакчысы Мориц Бауэр дүрт ел ярымга Англия Премьер-лигасында чыгыш ясаучы “Сток Сити” клубы белән килешү төзеде. Бу хакта “Рубин” клубының матбугат хезмәте җиткерде.

Мориц Бауэр Казан клубы белән 2016 елның июнендә килешү төзегән иде. “Рубин”га футболчы ул вакытта Швейцариянең “Грассхоппер” командасыннан күчкән иде. Бер ярым сезон эчендә Бауэр “Рубин” өчен 41 уенда катнашты, голга китергән 5 нәтиҗәле пас бирде.

Шунысы да игътибарга лаек: нәкъ менә Казан командасы өчен уйнаган вакытта Мориц Бауэр беренче тапкыр Австрия җыелмасына чакыру алды.

Исегезгә төшерәбез, кышкы җыеннарга китәр алдыннан команданың баш тренеры Корбан Бердыев, бер төркем чит ил уенчысына башка клуб эзләргә кушылуын җиткергән иде.

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.