Спорт

Азнакайда ветераннар клубына спорт белән шөгыльләнүчеләр җыела

Азнакайда өлкәннәр дә спорт ярата.
10.01 04:00

(Азнакай, 10 гыйнвар, "Татар-информ", "Маяк", Лиза Нурлыева). Кышның озын яллары физкультура һәм спорт белән шөгыльләнү, сихәтлекне ныгыту өчен менә дигән чор. Бу көннәрдә ветераннар клубы шау-гөр килеп тора. Анда бильярд, шашка, шахмат, домино белән шөгыльләнүчеләр, алар белән яңа гына кызыксына башлаганнар җыела, дип яза  район газетасы.

Яшь буынга үрнәк күрсәтеп, алар әнә шулай спортка аеруча нык тартыла. «Өченче буын» Республика Спартакиадасында катнашып, өлкән яшьтәге спортчыларыбыз узып киткән елда республикада 4 нче урынны яулады. Мәннәф Хөҗҗәтов – полиатлон, Җәмил Шакиров гер спорты буенча Дөнья Чемпионы, Илһам Сәлифов һәм Илдар Харисов жиңел атлетика буенча Россия Чемпионнары.Районыбызда өлкән яшьтәге ветераннарыбыз арасында Ворошилов укчысы ярышы үткәрү шулай ук безнең районга гына хас матур йолага әйләнде. Ел дәвамында ветераннарыбыз «Дельфин» су-сәламәтләндерү комплексына йөзүгә йөри.

«Татнефть» ярдәме белән райондагы спорт корылмаларына 12 млн сумлык спорт җиһазлары, «Актив озын гомер» программасы буенча шөгыльләнү өчен аерым тренажерлар алынды. Аларда пенсия яшендәге 140 кеше сәламәтлеген ныгыта.

Соңгы елларда республика программасы буенча сафка баскан, төзекләндерелгән сквер-паркларда өлкәннәребез бик актив рәвештә скандинав йөрешенә кушылып китте, бүгенге көндә аның белән 370ләп кеше бик актив шөгыльләнә, спортның популярлаша барган бу төренә кушылучылар елдан-ел арта, диелә район хәбәрендә.

 

КӨН ҮЗӘГЕНДӘ

Казанда яшәүчеләр Ленин бакчасына Керчьта һәлак булганнар истәлегенә чәчәкләр алып килә

Керчь политехника көллиятендә теракт аркасында 19 кеше үлгән һәм тагын 52 кеше яраланган.

Р.Миңнехановка Deutsche Invest Capital Partners туры инвестицияләр фондын тәкъдим иттеләр

Республика Президенты Татарстан Хөкүмәте йортында Goetzpartners компаниясе һәм туры инвестицияләр фондының гамәлгә куючысы Штефан Гетце белән очрашты.

Ленин бакчасында Керчьта теракт корбаннарына мемориал барлыкка килде

Казан кешеләре бакча үзәгендәге фонтан янына чәчәкләр һәм шәмнәр алып килә.

17 октябрьнең төп вакыйгалары - фото һәм сылтамалар

"Интертат" сайтына аңлатмалы, этимологик сүзлекләр урнаштырылды, Керчьта һәлак булганнар истәлегенә Ленин бакчасына чәчәкләр алып килделәр.

Әлфия Йосыпова татар теле дөньяда үз позициясен югалтмый дип белдерде

Милли мәдәният һәм мәгариф югары мәктәбе директоры әйтүенчә, Төркиянең 20ләп уку йортында татар теле фән буларак өйрәнелә.