Спорт

Эдуард Николаев экипажы «Дакар-2018» узышларының дүртенче этабында җиңүче булды

Гомуми беренчелектә «КАМАЗ-мастер» узышчысы көндәшен ярты сәгатьтән күбрәккә артта калдырды.
10.01 09:48

(Казан, 10 гыйнвар, «Татар-информ», Фәрит Салихов). «Дакар-2018» ралли-марафонының дүртенче этабы төгәлләнде. Йөк машиналары арасында финишка иң беренче булып «КАМАЗ-мастер» командасының Эдуард Николаев җитәкләгән экипажы килде.

Перу территориясе аша узган әлеге этапта махсус участокның озынлыгы 444 чакрым араны тәшкил итте. Эдуард Николаев экипажы аны  4 сәгать 35 минут 8 секунд эчендә узды. Финишка икенче булып килгән Аргентина узышчысы Федерико Вильягра («Ивеко»), мәсәлән, лидердан 27 минут 57 секундка калышты. Ә өченче урындагы Мартин Коломы (Чехия, «Татра») 38.49 минутка соңга калып килде.

Шулай итеп, Эдуард Николаев йөк машиналары арасында гомуми беренчелектә лидерлык позициясен тагын да ныгытты.

Дүрт этаптан соң йөк машиналары арасында гомуми беренчелек:

1. Эдуард Николаев (Россия, «КамАЗ») 12:22.27
2. Федерико Вильягра (Аргентина, «Ивеко») +36.55
3. Сергей Вязович (Белоруссия, «МАЗ-спорт») +2:22.23
...7. Дмитрий Сотников (Россия, «КамАЗ») +3:57.37
...9. Айрат Мәрдиев (Россия, «КамАЗ») +4:07.48
...12. Антон Шибалов (Россия, «КамАЗ») +5:54.32.

Исегезгә төшерәбез, биш елга беренче мәртәбә «Дакар» маршруты Перу территориясе аша уза, аннары узышчылар Боливия һәм Аргентинага юл ала. Узышларга 20 гыйнварда нокта куела.

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.