Икътисад

Түрәләргә криптовалютаны декларацияләмәскә рөхсәт иттеләр

Федераль министрлык дәүләт хезмәткәрләренә виртуаль валюталар турындагы мәгълүматны декларацияләмәскә рөхсәт итте.
10.01 10:52

(Казан, 10 гыйнвар, “Татар-информ”). 2017 ел өчен керем, чыгым һәм мөлкәт турында мәгълүматны дәүләт органнарында эшләүчеләр һәм аларның җәмәгатьләре дә күрсәтергә тиеш. Россия Хезмәт һәм халыкны эш белән тәэмин итү федераль министрлыгы дәүләт хезмәткәрләренә виртуаль валюталар турындагы мәгълүматны декларацияләмәскә рөхсәт итте. Бу хакта ведомствоның рәсми сайтында урнаштырылган документта хәбәр ителә.

“Белешмә формасында натураль формада алынган товарлар, хезмәтләр, шулай ук виртуаль валюталар турында мәгълүмат күрсәтү каралмаган”, диелә документта.

Россия Хезмәт һәм халыкны эш белән тәэмин итү федераль министрлыгы 2017 ел өчен керем, чыгым һәм мөлкәт турында мәгълүматларны дәүләт органнарында эшләүчеләр, аларның ире яки хатыны, шулай ук балигъ булмаган балалары күрсәтә, дип искәртә.
 
Керемнәр турында белешмәләрне Россия Федерациясендә дәүләт вазифасында эшләүчеләр, субъектларда дәүләт вазифасындагылар, муниципаль вазифадагылар тапшырырга тиеш.

Шулай ук керемнәр турында белешмәне дәүләт корпорациясендә, Пенсия фондында, Социаль иминият фондында, Мәҗбүри медицина иминият фондында эшләүчеләр һәм тагын шундый категориягә керүчеләр күрсәтергә бурычлы.
 

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.