Рәсми Татарстан, Авыл

Саба башкарма комитеты җитәкчесе эшеннән вакытыннан алда китте

Саба муниципаль районы Советының Рәис Миңнеханов рәислегендә чираттагы 22нче утырышы булды.
10.01 11:23

(Казан, 10 гыйнвар, "Татар-информ", "Саба таңнары"). Кичә Саба муниципаль районы Советының Рәис Миңнеханов рәислегендә чираттагы 22нче утырышы булды. Утырышта , Равил Гасыймовның үз теләге белән отставкага китүе сәбәпле, Саба муниципаль районы башкарма комитеты җитәкчесе вәкаләтләрен вакытыннан алда туктату турында карар кабул иттелде, дип хәбәр итә "Саба таңнары" газетасы.

Равил Гасыймов сүз алып, үзе эшләгән чорда башкарма комитетның бүлек, оешма-предприятие җитәкчеләре белән кулга кул тотышып мәгълүм эш башкаруын белдерде. “Алга таба да башкарма комитетның бердәм команда булып эшләвен телим. Район башлыгы Рәис Нургали улына, барыгызга да чын күңелемнән ихлас рәхмәтлемен. Уңышлар барыгызга да“,– диде Равил Гасыймов. Депутатлар исеменнән Шәмәрдән авыл җирлеге башлыгы Айдар Гәрәев чыгыш ясады.

Район башлыгы Равил Гасыймовның башкарма комитет җитәкчесе вазифасында эшчәнлеген югары бәяләп, кылган яхшы эшләре үзенә меңе белән әйләнеп кайтсын дигән теләк белдерде.

Утырышның икенче көн тәртибендә район башлыгы урынбасары Расих Закирҗанов Саба муниципаль район башкарма комитеты җитәкчесе вазифаларын башкаруга конкурс игълан ителү турында мәгълүмат белән чыкты.

Әлеге вазифага дәгъва итүчеләрдән документлар 30 гыйнварга кадәр кабул ителәчәк. Конкурс комиссиясе тарафыннан квалификация таләпләренә туры килгән башкарма комитет җитәкчесе вазифасына кандидат расланачак. 

КӨН ҮЗӘГЕНДӘ

"Татар-информ"да "Ку" татар рок-спектакле турында сөйләшәчәкләр

Матбугат конференциясенә аккредитация pr@tatar-inform.tatar почтасы аркылы башкарыла.

КФУда төрки халыклар сәнгате күргәзмәсе тәкъдим ителде

Халыкара фәнни-гамәли конференциягә дөньяның төрле илләреннән галимнәр, югары уку йортлары мөгаллимнәре, укытучы-методистлар, аспирантлар килде.

Милли Шура рәисе Васил Шәйхразиев Туган тел көне белән котлады

Милли Шура рәисе татар халкының “Туган телне кадерләгән халык кадерле булыр” дигән әйтемен искә төшерә.

Рөстәм Миңнеханов туган телне саклау иң борчый торган мәсьәлә дип белдерде

Татарстан Президенты милләтне саклау юнәлешендә бердәм булу кирәклеген әйтте.

Светлана Захарова кайбер мәктәпләрдә туган телне теләсәң дә өйрәнеп булмаганлыгын әйтте

Депутат туган телләрне ирекле өйрәнү турында закон проектының хафа тудыруын билгеләп узды.