Спорт

Татарстан чаңгычысы Мария Давыденкова Дөнья кубогы ярышларында катнаша

Россиянең Чаңгы узышлары федерациясе сигезенче этапка составны игълан итте.
10.01 11:45

(Казан, 10 гыйнвар, «Татар-информ», Фәрит Салихов). Татарстан чаңгычысы, 25 яшьлек Мария Давыденкова Дөнья кубогы ярышларында катнаша. Бу хакта «Татар-информ» хәбәрчесенә Татарстан Чаңгы узышлары һәм биатлон федерациясе матбугат хезмәтеннән хәбәр иттеләр.

«Дөнья кубогы ярышларының 8 нче этабы Германиянең Дрезден шәһәрендә уза. Кыска арага спринт ярышларын гына үз эченә алган әлеге этапта Россия данын безнең Мария Давыденкова да яклаячак», – дип федерациядән җиткерделәр.

13-14 гыйнварда узачак ярышларда чаңгычылар ирекле ысул белән командалы һәм шәхси спринтта җиңүчеләрне ачыклаячак.

Россиянең Чаңгы узышлары федерациясе игълан иткән составка 12 чаңгычы кертелгән.

Сүз уңаеннан, Татарстан спортчысы Мария Давыденкова 2017 елгы дөньякүләм Универсиадада алтын һәм бронза медаль яулаган иде.

КӨН ҮЗӘГЕНДӘ

Владимир Чагин: Мин команда өчен, заводыбыз өчен, Татарстан өчен горурланам

Татарстанның “КАМАЗ-Мастер” командасы дөньядагы иң абруйлы “Дакар” раллиенда унбишенче тапкыр җиңүче булды.

Алабугада җәмәгать мунчасы төзүне сорыйлар

Әлеге җир участогында объектны төзүне кичектерә торган инженерлык челтәре урнашкан.

Фото: Әлкидә кышкы балык тоту бәйгесе үтте

Бәйгедә барлыгы 30 кеше катнашкан.

Фото: Балтачта халык көтеп алган заманча бассейн ачыла

Акчалар, барлык проект эшләрен кертеп, 152 миллион сумны тәшкил итте, диде Рамил Шакиров.

Фәнис Җиһанша Берләшкән Гәрәп Әмирлегендә актерлык осталыгы буенча тренинглар уздырган

Фәнис Җиһанша Берләшкән Гәрәп Әмирлегенә биредә яшәүче татар эшмәкәрләре чакыруы буенча килгән.