Дин

Грециядә ислам кануннарын чикли торган закон кабул ителгән

Законда мөфтигә гаилә эшләре (никах, аерылышу, мирас калдыру һәм башка мәсьәләләр) буенча мөрәҗәгать итү мәҗбүри түгел, диелгән.
10.01 12:58

(Казан, 10 гыйнвар, “Татар-информ”). Греция Парламенты, күпчелек тавыш белән, шәригать турында ислам кануннарын чикли торган закон кабул иткән. Бу хакта РИА “Новости” җиткерә.

Законда мөфтигә гаилә эшләре (никах, аерылышу, мирас калдыру һәм башка мәсьәләләр) буенча мөрәҗәгать итү мәҗбүри түгел, диелгән. Ике якның берсе мөфтигә мөрәҗәгать итәргә теләмәсә, эш судка бирелергә мөмкин.

Закон мөфтине билгеләүне һәм урыныннан алуны, хезмәт хакын, вәкаләтләрен билгели. Ислам кануннары Фракиядә мөселманнар өчен 1923 елдан бирле гамәлдә булган. 1919-1922 елларда Греция грек-төрек сугышында җиңелгәннән соң биредә 100 меңләп кенә мөселман калган. Алар өчен шәриггать кануннары гамәлдә булган.

2017 елның ноябрендә Греция премьер-министры Алексис Ципрас Фракиядә булганда шәригать кануннарын мәҗбүри үтәүне кире кагуны вәгъдә иткән булган.
Ципрас яңа закон кабул ителүне закон алдында бөтен кешенең тигезлеген күрсәтүдә "тарихи адым" дип атаган.
 

КӨН ҮЗӘГЕНДӘ

Тунис товарларына Татарстанда һәм илнең башка төбәкләрендә ихтыяҗ бар

Бу хакта Татарстан Президенты Тунис Премьер-министры Юсеф Шахед белән очрашуда әйтте.

“Татмедиа” республика агентлыгы футбол чемпионатын яктырткан журналистларны бүләкләде

Бүләкләнүчеләр арасында “Татар-информ”ның 17 хезмәткәре бар.

КФУ эксперты: Казанда аномаль җылы һава торышы 25 октябрьгә кадәр саклана

Казан университеты профессоры Татарстанда 21 октябрьгә кадәр явым-төшем күзәтелми, дип җиткерә.

Гөлшат Зәйнашеваның 90 еллыгына багышланган флешмобка Газинур Фарукшин кушылды

Оештыручылар теләге булган һәркемне флешмобка кушылырга чакыра.

Дәүләт Советы Рәисе Фәрит Мөхәммәтшин Әлмәттә Парламент дәресе уздырды

Мондый дәресләр республиканың барлык мәктәпләрендә үткәрелә: депутатлар, җәмәгать эшлеклеләре укучылар белән күзгә-күз очраша, аңлату эшләре алып бара