Мәдәният

Милли китапханәгә классик музыка тыңларга чакыралар

14 гыйнварда Милли китапханәнең уку залында опера сәнгатен яратучылар җыелачак.
10.01 12:36

(Казан,10 гыйнвар, “Татар-информ”, Мөршидә Кыямова).14 гыйнвар көнне 18:00 сәгатьтә Татарстан Милли китапханәсендә “Дуслар өчен концерт” дип аталган музыкаль кичә узачак. Бу хакта “Татар-информ” хәбәрчесенә Казан консерваториясе студенты, җырчы Сөмбел Ситдыйкова хәбәр итә.

“Н.Җиһанов исемендәге консерваториянең Концертмейстер кафедрасы мөдире, профессор, Татарстанның халык артисты Юзефина Сокольская һәр ел саен опера сәнгатен яратучылар өчен махсус музыкаль кичәләр оештыра, - ди Сөмбел Ситдыйкова. – Мондый кичәләргә Казан "Опера яратучылар клубы" әгъзалары йөри. Махсус концертлар Аксенов музеенда, Казан федераль университет залында, Милли китапханәдә даими уздырыла. Анда консерваториядә белем алучы - булачак сәхнә йолдызлары, музыкантлар, шулай ук педагоглар да катнаша”.

Концертта солистлар Ирек Фәттахов, Мәдинә Хәмзина, Алсу Галимова, Кирилл Логинов, Сөмбел Ситдыйкова, музыкантлар Гүзәл Мөхәммәтова, Юзефина Сокольская һ.б. дөнья һәм татар классиклары әсәрләрен яңгыратачак.

Белешмә: Опера яратучылар клубы 1986 елның 17 ноябрендә М.Җәлил исемендәге опера һәм балет театры каршында оешкан. Бай тарихка ия тамашачылар клубы Россиянең башка театрларында юк. Клуб әгъзалары, концертларга йөрүдән тыш, төрле спектакльләрне дә тамаша кыла. Яшьләр иҗаты белән даими кызыксына. Дөньякүләм опера проектларында катнаша, иҗат кичәләре оештырырга ярдәм итә.

КӨН ҮЗӘГЕНДӘ

18 июльнең төп вакыйгалары - фото һәм сылтамалар

Рөстәм Миңнеханов бюджет акчасын нәтиҗәле файдалануны таләп итте, Изге Болгар җыенына бару өчен һәрбер мөхтәсибәткә автобус биреләчәк.

Рөстәм Миңнеханов Вьетнамның Тулы вәкаләтле илчесе белән хезмәттәшлек турында сөйләште

"Татарстан Россия-Вьетнам мөнәсәбәтләре кысаларында Вьетнам белән хезмәттәшлекне үстерүгә аеруча игътибар итә", - диде президент.

Рөстәм Миңнеханов бюджет акчасын нәтиҗәле файдалануны таләп итте

Татарстан Президенты бюджет баланслы булсын өчен, депутат корпусы белән тыгыз эш барырга тиешлеген җиткерде.

Татарлар беренче тапкыр Канадада "Nuestroamericana-2018" дуслык парадында катнаша

"Nuestroamericana" фестивале Монреальдә быел сигезенче тапкыр үтә.

Илшат Сәетов татар кешесе мәдәни проектларга акча бирергә өйрәнәчәк дип саный

Зуля Камалованың татарча альбомына краудфандинг юлы белән акча җыяр өчен бер атна вакыт калды.