Татар дөньясы

Әлфия Миңнуллинага Бөтендөнья татар конгрессы медале тапшырылды

2018 елның 1 гыйнварында Әлфия Туфан кызы 55 яшьлек юбилеен билгеләп узды.
10.01 14:12

(Казан,10 гыйнвар, “Татар-информ”). Бөтендөнья татар конгрессының мәгълүмати-аналитика идарәсе хезмәткәре Әлфия Туфан кызы Миңнуллина-Юнысовага Бөтендөнья татар конгрессы медале тапшырылды. Бу хакта Бөтендөнья татар конгрессының рәсми сайты хәбәр итә.

"2018 елның 1 гыйнварында Әлфия Туфан кызы 55 яшьлек юбилеен билгеләп узды. Быел гыйнвар аеннан Әлфия Миңнуллина лаеклы ялга китә. Хезмәттәшебезгә татар дөньясындагы яңалыкларны конгрессның рәсми сайтында нәтиҗәле яктыртып баруы һәм массакүләм мәгълумат чаралары белән тыгыз элемтәдә эшләве өчен Татар конгрессы коллективы зур рәхмәт белдерә. Киләчәктә дә Татар конгрессы белән араларны суытмыйча, уртак проектларны тормышка ашыруда ярдәмләшеп яшәрбез дигән өметтә кала", дип яза Татар конгрессының рәсми сайты.

Исегезгә төшереп узабыз: Әлфия Туфан кызы озак еллар “Интертат.ру” республика электрон газетасының да баш мөхәррире булып хезмәт куйды. Узган ел ахырында Әлфия Миңнуллина-Юнысова Республика Президенты указы белән, Татарстанның атказанган матбугат һәм массакүләм коммуникацияләр хезмәткәре дигән мактаулы исемгә лаек булды. Дәрәҗәле исемне Әлфия Туфан кызына Татарстан Республикасының Премьер-министры урынбасары, Бөтендөнья татар конгрессының Милли Шурасы рәисе Васил Шәйхразиев тапшырды.

КӨН ҮЗӘГЕНДӘ

17 июльнең төп вакыйгалары - фото һәм сылтамалар

Приезидент Казан ял паркларын Мәскәү үрнәгендә яхшыртырга тәкъдим итте, 91 укытучы грант алды, "Әдәби марафон" китап укырга өйрәтә.

Президент Югары урбанистика мәктәбе студентларының проектларын уңай бәяләде

Студентларның проектларын поликлиника, балалар бакчалары, мәктәпләрдә капиталь төзекләндерүдә сынап карарга тәкъдим ителде.

Рөстәм Миңнеханов Мәскәүнең “Зарядье” паркы тәҗрибәсен Татарстанда кулланырга тәкъдим итә

Татарстан Президенты Moscow Urban Forum 2018 Мәскәү урбанистика форумы эшендә катнашты.

Татарстаннан 5 укучы “Артек”ка социаль проектлауга багышланган сменага барачак

Проектта Татарстан, Пермь крае, Мәскәү, Тула, Төмән, Ульяновск һәм Новгород өлкәсе укучылары катнаша.

Владимир Сабан туенда көрәшне Татарстан хөкемдарлары бәяләде

Владимир шәһәрендә 19нчы тапкыр Сабан туен бәйрәм иттеләр.