Дин

“Хәләл” стандартлары буенча комитет беренче тапкыр боланнарны хәләл чалуны оештырды

Комитет белгечләре боланнарны чалуны карап-өйрәнү өчен Ямал-Ненец автономияле округының Надым шәһәренә барды.
10.01 16:59

(Казан, 10 гыйнвар, «Татар-информ»). Татарстан мөселманнары Диния нәзарәтенең “Хәләл” стандартлар буенча комитеты Россиядә беренче тапкыр боланнарны хәләл юл белән чалып әзерләүне тормышка ашырды. Бу хакта Татарстан мөселманнары Диния нәзарәте сайтындагы хәбәрдә белдерелә.

«Возрождение» ҖЧҖ тарафыннан кабул ителгән гариза нигезендә Комитет белгечләре боланнарны чалуны карап-өйрәнү өчен Ямал-Ненец автономияле округының Надым шәһәренә барды. Сәфәр барышында әлеге төбәктә хәләл продукцияне популярлаштыру һәм күзәтчелек буенча хезмәттәшлек турында килешү төзүгә ирешелде. «Возрождение» ҖЧҖ директоры Андрей Русаков кеше организмы өчен болан итенең сыер һәм сарык итләренә караганда өстенлекләре турында сөйләде. “Безнең боланнар ирекле йөреп үстереләләр, табигый азыклар белән тукланалар, өстәмә катнашмаларсыз үсеш гормоннары файдаланмыйча үстереләләр, – дип билгеләде ул. – Боланнар мүк, җиләк, лишайник белән туклана”.

Хайваннарны сую шәригать кануннары буенча алып барыла, электр һәм башка чаралар файдаланылмый. Татарстан мөселманнары Диния нәзарәтенең “Хәләл” стандартлар буенча комитеты белгечләре беренче тапкыр боланнарны хәләл юл белән чалу барышын җитәкләде.

Үзәкләшкән дини оешма – Татарстан мөселманнары Диния нәзарәтенең “Хәләл” стандартлар буенча комитеты бәяләве буенча «Возрождение» җитештерүе “Хәләл” таләпләренә туры килә дип табылды һәм Комитетның “Хәләл” тамгасын куллану өчен рөхсәт бирелде.

 

КӨН ҮЗӘГЕНДӘ

Казанда яшәүчеләр Ленин бакчасына Керчьта һәлак булганнар истәлегенә чәчәкләр алып килә

Керчь политехника көллиятендә теракт аркасында 19 кеше үлгән һәм тагын 52 кеше яраланган.

Р.Миңнехановка Deutsche Invest Capital Partners туры инвестицияләр фондын тәкъдим иттеләр

Республика Президенты Татарстан Хөкүмәте йортында Goetzpartners компаниясе һәм туры инвестицияләр фондының гамәлгә куючысы Штефан Гетце белән очрашты.

Ленин бакчасында Керчьта теракт корбаннарына мемориал барлыкка килде

Казан кешеләре бакча үзәгендәге фонтан янына чәчәкләр һәм шәмнәр алып килә.

17 октябрьнең төп вакыйгалары - фото һәм сылтамалар

"Интертат" сайтына аңлатмалы, этимологик сүзлекләр урнаштырылды, Керчьта һәлак булганнар истәлегенә Ленин бакчасына чәчәкләр алып килделәр.

Әлфия Йосыпова татар теле дөньяда үз позициясен югалтмый дип белдерде

Милли мәдәният һәм мәгариф югары мәктәбе директоры әйтүенчә, Төркиянең 20ләп уку йортында татар теле фән буларак өйрәнелә.