Хәвеф-хәтәр

Тукай районы Башкарма комитеты түрәсе “җир мәсьәләсен” хәл итәргә тәкъдим иткән

Суд муниципалитетның элеккеге хезмәткәрен мошенниклыкта гаепле дип тапкан.
10.01 19:23

(Чаллы, 10 гыйнвар, «Татар-информ», Эльвира Мөхәмәтдинова). Тукай районы Башкарма комитеты түрәсе эшмәкәргә 200 мең сумга “җир мәсьәләсен” хәл итәргә тәкъдим иткән һәм шартлы рәвештә 2 елга ирегеннән мәхрүм ителгән.

2015 елның җәендә Тукай районы Башкарма комитеты түрәсе төзелеш базасы урнашкан Новотроицк авыл җирлегенә җир участогы карарга килгән. Төзелеш базасы хуҗасы җирне рәсмиләштерү теләген белдергән. Түрә билгеле суммага бу процессны тизләтергә әзер булуын, Җир һәм милек мөнәсәбәтләре палатасы рәисе белән элемтәсе булуын әйткән. Бу хезмәт 200 мең сум дип бәяләнгән.

Әмма акча тапшырылмаган. Полиция хезмәткәрләре түрәне автомобилендә кулына банкнотлар тоткан килеш кулга алган. Соңрак ул аларны беркемгә дә бирергә җыенмавы, ә үзләштерергә теләве ачыкланды.

Чаллы суды муниципалитетның элеккеге хезмәткәрен мошенниклыкта гаепле дип тапкан һәм һәм 10 айга иреген чикләү белән шартлы рәвештә 2 елга ирегеннән мәхрүм ителгән.

КӨН ҮЗӘГЕНДӘ

Рөстәм Миңнеханов Путинга Универсиаданың спорт мирасын куллану турында сөйләде

Казан спорт объектлары чыгымнарының бер өлешен шәхси инвестицияләр каплый.

Ринат Закиров Милли Шура рәисенең ни өчен кабат сайлануын аңлатты

Бөтендөнья татар конгрессы Башкарма комитеты рәисе әйтүенчә, уставта төгәлсезлекләр булган.

Рөстәм Миңнеханов Хәким Биктиевны “Дуслык” ордены белән бүләкләде

Казанда татар дин әһелләре форумында Калининградта мөселман җәмгыятенә нигез салучыга орден тапшырдылар.

В.Шәйхразиев чираттан тыш съездда үзен кабат сайлаган делегатларга мөрәҗәгать белән чыкты

Бүген Васил Шәйхразиев кабат Милли Шура рәисе итеп сайланды.

Р.Миңнеханов Дөнья чемпионатын үткәрүдә теләктәшлек өчен В.Путинга рәхмәт әйтте

Татарстан Президенты Россия башлыгына республикада Чемпионат матчларын оештыру йомгаклары турында сөйләде.